فاروق آباد ( ایف یو نیوز) وزیر اعلیٰ کے حکم سے ضلع بھر کے سرکاری ہسپتالوں میں میڈیسن سٹورز کو سیل کر دیا گیاتھا جس کی وجہ سے ہسپتالو ں میں میڈیسن ختم ہو چکی ہیں اور مریضوں کو شدید مشکلات کا سامنا کرنا پڑ رہا ہے وزیر اعلیٰ پنجاب میڈیسن سٹور کی سیل کے معاملے کو حل کرکے مریضوں کی مشکلات کو حل کریں ان خیالات کا اظہار ڈی ایچ کیو شیخوپورہ ینگ ڈاکٹرز ایسوسی ایشن کے جنرل سیکرٹری ڈاکٹر محمد ساجدجٹ نے صحافیوں سے بات چیت کرتے ہوئے کہا کہ ڈاکٹر انسانیت کیلئے مسیحا ہیں لیکن ان کیلئے حکومت پنجاب کوئی ایسے فلاحی اقدامات نہیں کرتی جس سے ان کی فلاح ہوسکے وزیر اعلیٰ پنجاب میاں محمد شہباز شریف ینگ ڈاکٹر زکی فلاح وبہبود کیلئے اقدامات اٹھائیں اور وہ تمام وعدوں کو وفا کریں جو پنجاب گورنمنٹ نے کیئے ہیں، پنجاب حکومت نے ہماری تنخواہوں میں اضافہ کا وعدہ کیا تھا جو ابھی تک پورا نہیں کیا گیا اور اب ہیلتھ بجٹ میں بھی 15فیصد کٹوتی کی جارہی ہے جو کہ ہر گز قبول نہیں ہمارے پاس ہسپتال میں نہ انستھنیر یا کے ڈاکٹر موجود ہیں اور نہ ہی مشین موجود ہے 30لاکھ آبادی پر مشتمل ضلع شیخوپورہ واحدہیڈ کوارٹر ہسپتال ہے جس میں نیوروسرجن ،سٹی سکین مشین کلر ڈ الٹراساؤنڈ مشین ،وینٹیلیٹر مشین ،ڈیجیٹل ایکسریز ،بیسک مشینری تک نہیں ہے انہوں نے کہا کہ ڈی ایچ کیو شیخوپورہ میں مریضوں اورڈاکٹرزکیلئے کیفے ٹریا قائم کیا جائے اور جدید عالمی میعار کی سہولیات فراہم کرنے کیلئے فنڈ زمہیا کیئے جائیں ۔
