فاروق آباد (ایف یو نیوز ) عرصہ دراز سے بندبائی پاس مغربی ریلوے پھاٹک کو عوام کی سہولت کیلئے کھول دیاجائے ۔وفاقی وزیر ریلوے خواجہ سعد رفیق سے شہریوں کا مطالبہ ،بتایا گیا ہے کہ فاروق آباد کوبی لنک کنال کے ساتھ بائی پاس کے ساتھ مغرب ریلوے پھاٹک موجود ہے اور اس پر ریلوے کے ملازم ڈیوٹی بھی انجام دیتے ہیں لیکن عرصہ کئی سال سے ریلوے پھاٹک کو نامعلوم وجوہات کی بنا کر بند کر دیا گیا ہے شہر میں بڑھتی آبادی اور ٹریفک کے بے پناہ ہجوم کی وجہ سے ریلوے پھاٹک پر رش رہتا ہے ،ٹرینوں کی آمدو رفت کی وجہ سے شہری سارا دن مغربی ریلوے پھاٹک پر جام ٹریفک میں پھنسے رہتے ہیں اگر بند مغربی ریلوے پھاٹک کھل جائے تو ٹریفک کا بہاؤ تقسیم ہو جائے گا اور رش بھی ختم ہو جائے گا شہریوں نے وفاقی وزیر ریلوے خواجہ سعد رفیق سے مطالبہ کیا ہے کہ بائی پاس مغربی ریلوے پھاٹک کو کھولنے کے احکامات صادر فرماکر فاروق آباد کے شہریوں کا درینہ مطالبہ پورا کیا جائے ۔

QR Code: