شہریوں کے جان ومال کا تحفظ مقامی پولیس کی ذمہ داری ہے : وجیہہ الحسن شاہ
تمام بڑے دوکانداراور کاروباری مراکزسیکورٹی گارڈ کا انتظام کریں اور اپنے کاروباری مراکز کی سیکورٹی کیلئے سی سی ٹی وی کیمرے نصب کروائیں: ایس ایچ او سٹی فاروق آباد
فاروق آباد (ایف یو نیوز) مقامی تاجروں نے انجمن تاجران کے صدر محمد احمدمقبول اور صدرپریس کونسل بابر بھائی کے ہمراہ ایس ایچ او سٹی فاروق آباد سید وجیہہ الحسن شاہ سے ان کے آفس میں ملاقات کی اور شہر میں امن وامان اور سیکورٹی مسائل پر کھل کر بات چیت کی اس موقع پر ایس ایچ او سید وجیہہ الحسن شاہ نے یقین دہانی کروائی اور کہا کہ شہریوں باالخوص تاجروں کے جان ومال کا تحفظ مقامی پولیس کی ذمہ داری ہے انہوں نے کہا کہ ڈی پی او شیخوپورہ کی ہدایت کے مطابق علاقہ بھر میں ڈکیتوں اور منشیات فروشوں کے خلاف آپریشن جاری ہے شہری اور تاجر پولیس کا ساتھ دیں تو جرائم کو خاطرخواہ کنٹرول کیا جاسکتا ہے تمام بڑے دوکانداراور کاروباری مراکز کو سیکورٹی گارڈ کا انتظام کریں اور اپنے کاروباری مراکز کی سیکورٹی عمور کی نگرانی کیلئے سی سی ٹی وی کیمرے نصب کروائیں ،ایمرجنسی کال نمبرلکھ کر نمایاں جگہوں پر آویزاں کریں انہوں نے مزید کہالاری اڈہ پر اعوان سپر سٹور پر ہونے والی چوری کا مقدمہ درج کر لیا گیا ہے اورغیر روائتی طریقہ سے جدید سائنسی الات کی مدد سے تفتیش جاری ہے واقعہ میں ملوث ملزمان کو جلد گرفتارکرکے انصاف کے کٹہرے میں کھڑا کیا جائے گا،تاجر اور شہری بغیر کسی خوف ہچکچاہٹ کے مجھے تھانے میں اپنے مسائل کے بارے میں آگاہ کر سکتے ہیں جنہیں قانونی طورپر فوری حل کیا جائے گا مقامی تاجر اور پولیس کے درمیان کوارڈینیشن سے انتظامی امور میں بہتری اور عوام کے مسائل کو حل کرنے میں مدد ملتی ہے جس پر مقامی تاجر تنظیم انجمن تاجران (رجسٹر ڈ ) لاری اڈہ اپروچ روڈ کے صدر محمد احمدمقبول ،شیخ آفتاب احمد ،ملک ناظم اعوان ،میاں لیاقت علی ،ملک ذوالفقار اعوان اور دیگر نے ایس ایچ او کو مکمل تعاون کا یقین دلایا ۔
Leave a Reply