فاروق آباد (ایف یو نیوز) فاروق آباد میں سٹریٹ کرائمز میں تیزی چند دنوں میں درجنوں وارداتیں ، موٹر سائیکل سوار گینگ نے علاقہ میں خوف وہراس پھیلادیا ،شہری عدم تحفظ کا شکار،ڈی پی او شیخوپورہ سے اصلاح و حوال کا مطالبہ بتایا گیا ہے کہ تھانہ سٹی فاروق آباد کے علاقہ محلہ صدیقی حیدری میں تین کس نامعلوم موٹر سائیکل سوار ڈاکوؤں کے گینگ نے تاجرحاجی امین ولدحاجی احمد اللہ سے گن پوائنٹ پر مبلغ 7ہزار روپے چھین لیئے اور فرار ہوگئے جبکہ اس سے قبل چند دنوں میں تھانہ سٹی کی حدود میں سٹریٹ کرائم کی درجنوں وارداتیں ہوچکی ہیں جس کی وجہ سے شہریوں میں خوف وہراس پایا جاتا ہے اور شہری عددم تحفظ کا شکار ہو رہے ہیں اس نازک صورت حال میں ایس ایچ او نااہلی کا ثبوت دیتے ہوئے موٹر سائیکل ڈکیت گینگ کا سراغ لگانے میں مکمل طور ہر ناکام ہو چکے ہیں اور اپنے کمرے میں حقہ سلگا کر پیتے رہتے ہیں جو خود ایک قانونی کی خلاف ورزی کررہے ہیں کیونکہ سرکاری دفاتر میں حقہ پینا ممنوع ہے سیاسی سماجی تنظیموں نے آر پی او شیخوپورہ ریجن ،ڈی پی او شیخوپورہ سے مطالبہ کیا ہے کہ آرام طلب ایس ایچ او کو فوری طور پر تبدیل کرکے کسی اہل پولیس آفیسر کو تعینات کیا جائے تاکہ فاروق آباد میں سٹریٹ کرائمز پر قابوپایا جاسکے ۔

QR Code: