فاروق آباد (ایف یو نیوز) سماجی تنظیمیں دل جمی کے ساتھ دکھی انسانیت کی مدد کریں اور ایدھی کے عظیم مشن کو تاقیامت جاری رکھیں ۔چوہدری محمداکرم ورک ۔ڈی ڈی سی فاروق آباد اور ڈی ڈی او سوشل ویلفیئر کے باہمی اشراک سے سماجی تنظیموں کے مسائل کے حل کے عنوان سے تقریب منعقد ہوئی جس میں چئیرمین ڈی سی سی شیخوپورہ چوہدری اکرم ورک ،ڈی ڈی او سوشل ویلفیئر تنویر طارق ،سید ناصر عباس شاہ ،ابرار احمد ،محمد عارف انصاری ،منور حسین انصاری ،مقصود احمد ،صدر انیشیٹو فار سوشل ڈویلپمنٹ بابر علی ،رضوان گیلانی ،عباد احمد خاں سمیت درجنوں سماجی تنظیموں کے جملہ عہدہ داران نے شرکت کی اجلاس سے خطاب کرتے ہوئے چئیرمین ڈی سی سی چوہدری اکرم ورک نے کہاکہ چئیرمین شپ کے الیکشن میں سپورٹ کرنے پر میں فاروق آباد کی تمام این جی اوز کا شکر گذار ہوں انہوں نے مزید کہا کہ سماجی تنظیموں کے مسائل اور ان کو فنڈ کے حصول کیلئے مدد فراہم کروں گا اور محکمہ سوشل ویلفیئر سے مل کر دکھی انسانیت کی فلاح بہبود کے مشن کو اور زیادہ بہتر طریقہ سے انجام دیں گے سماجی تنظیمیں دل جمی کے ساتھ دکھی افراد کی مدد کریں اور ایدھی کے عظیم مشن کو تاقیامت جاری و ساری رکھیں تقریب کے اہتمام پر عبدالستار ایدھی کے ایصال ثواب کیلئے فاتح خوانی اور دعاے مغفرت کی گئی ۔
