مساجدمیں کھلی کچہری کا مقصد پولیس اور عوام کے درمیان بہتر روابط بنانا ہے: ایس ایچ او سٹی
فاروق آباد (ایف یو نیوز) پولیس اور عوام میں کوارڈینیشن سے جرائم کو جڑ سے ختم کیا جاسکتا ہے۔مساجدمیں کھلی کچہری کا مقصد پولیس اور عوام کے درمیان بہتر روابط بنانا ہے ،مساجد میں عوام متعلقہ ایس ایچ او کو دیکھ کرتعجب کے ساتھ خوش ہوتے ہیں اور اپنے مسائل کو سچائی کے ساتھ بیان کرتے ہیں ان خیالات کا اظہار ایس ایچ او تھانہ سٹی فارو ق آباد سید وجیہہ الحسن شاہ جامع مسجد غوثیہ رضویہ محلہ اسلامپورہ میں نماز جمعۃ المبارک کے فوراً بعد کھلی کچہری میں نمازیوں سے بات چیت کرتے ہوئے کیا انہوں نے کہا کہ ڈی پی او شیخوپورہ کے خصوصی حکم پر امن و امان کو قائم رکھنے کیلئے ہر جمعۃ المبارک کو کھلی کچہری کا اہتمام کیا جارہا ہے اور میں ہر جمعۃ المبارک کو فاروق آباد کے مختلف علاقوں میں جاکر عوام کے مسائل سنتا ہوں اور ان کو قانونی طور حل کرنے کی کوشش کرتا ہوں انہوں نے مزید کہا کہ عوام اپنے اپنے علاقوں میں امن و امان کے قیام کیلئے اپنا کردار ادا کریں پولیس اور اہلیان علاقہ میں کوارڈینیشن سے مقامی کمیونٹی سے جرائم کو جڑ سے ختم کیا جاسکتا ہے ۔کھلی کچہری میں نمازیوں نے بہت مسائل ایس ایچ او کے سامنے پیش کیئے جن کو فوری طور پر حل کرنے کی یقین دہانی کروائی ۔
Leave a Reply