فاروق آباد (ایف یو نیوز)وزیر اعظم کے مشیر بیرسٹر امجد ملک کی صدر لیبر ونگ پنجاب سید مشتاق حسین شاہ سے ملاقات اہلیہ کے انتقال پر اظہار افسوس کیا ۔پاکستانی لائرز آف بر طانیہ کے چیئر مین اور وزیر اعظم کے مشیر برائے قانونی امور بیر سٹر امجد ملک نے مسلم لیگ (ن)لیبر ونگ پنجاب کے صدر و ضلعی چیئر مین عشر و زکوٰۃ کمیٹی شیخوپورہ سے ان کی رہائش گا ہ پر ملاقا ت کی اور ان کی اہلیہ کی وفات پر اظہارِ افسوس کیا ۔اس موقع پر میڈیا سے گفتگو کرتے ہوئے بیرسٹر امجد ملک نے کہا کہ پانامہ لیکس میاں نواز شریف کے خلاف گہری سازش ہے ۔ شریف خاندان کا اس سے کوئی تعلق نہ ہے ۔عمران خان کی پانامہ لیکس پر سیاست دھرنہ سیاست سے بھی بری طرح ناکام ہو گی۔ میاں نوازشریف لندن اپنے معمول کے چیک اپ کیلئے گئے ہیں اس کو غلط رنگ نہ دیا جائے۔ اس موقع پر سید مشتاق حسین شاہ نے کہا کہ پاکستان مسلم لیگ ن لیبر ونگ کے کارکنان میاں نواز شریف کی قیادت میں متحد ہیں اور اس کا اظہار لیبر ڈے پر لاہور میں ایک جلوس کی صورت میں کریں گے ۔انہوں نے مزید کہا کہ میاں نواز شریف ، میاں شہباز شریف اور میاں حمزہ شہباز شریف کی قیادت میں ملک بہترین ترقی کی طرف گامزن ہے اور میٹرو بس ، اورنج لائن ٹرین ، انڈر پاسز، اور اوور ہیڈ برجیز جیسے بہت سے اور منصوبے قائدین کی قیادت میں پایہ تکمیل تک پہنچیں گے۔ اس موقع پر امید وار برائے چیئر مین بلدیہ فاروق آباد سید سجاد حسین شاہ ، سید حسنین رضا بخاری اور دیگر بھی موجود تھے ۔

QR Code: