نواز شریف کا قوم سے خطاب تاریخی ہے ۔ سید اسد علی شاہ بخاری
نواز شریف کا خاندان سمیت اپنے آپ کو احتساب کیلئے پیش کرنا مخالفین کے منہ پرطمانچہ ہے ۔ اجلاس سے خطاب
فاروق آباد (ایف یو نیوز)ضلعی آرگنائزر (ن )لیگ یوتھ ونگ شیخوپورہ و چیئر مین ایم ۔ ایس۔ ایف ضلع شیخوپورہ سید اسد علی شاہ بخاری نے اپنے ڈیرہ بخاری ٹریولز فاروق آباد میں یوتھ ونگ اور ایم۔ ایس ۔ایف کے اجلاس کی صدارت کے دوران شرکاء سے خطاب کرتے ہوئے کہا ہے کہ وزیر اعظم قائد میاں نواز شریف کا قوم سے خطاب تاریخی تھا کیونکہ تاریخ گواہ ہے کہ آج تک کسی بھی آئینی وزیر اعظم نے کسی بھی ایشو ء پر قوم کو اعتماد میں نہیں لیااور یہ کارنامہ بھی میاں نوازشریف کے نام ہے ۔ میاں نوازشریف نے قوم کو اعتماد میں لے کر جمہوریت کے حُسن کواصل حالت میں بحال کیا ہے اور میاں نواز شریف کا اپنے خاندان سمیت اپنے آپ کو احتساب کیلئے پیش کرنا مخالفین کے منہ پر طمانچہ ہے ۔ سیداسد علی بخاری نے کہا ہے کہ پی ٹی آئی والے چاہتے ہیں کہ پاناما لیکس ایشوء پر کمیشن کا سربراہ عمران خان کو بنا دیں تاکہ عمران خان اور اس کے حواریوں کی کرپشن کبھی سامنے نہ آ سکے ۔ اور عمران خان عوام کو گمراہ کر کے مقدس گائے بنے رہیں۔ اجلاس کے دوران اسد علی بخاری نے عہدیداران اور کارکنوں کو یومِ مئی مزدور ڈے پر(ن)لیگ لیبر ونگ کے زیر اہتمام الحمراء ہال لاہور میں ہونے والے کنونشن میں بھر پور انداز سے شرکت کرنے کی ہدایات جاری کیں اس موقع پر محمد امین انجم ، ملک احمد رضوان ایڈووکیٹ ، عاصم لطیف ، زاہد شبیر اور دیگر بھی موجود تھے ۔
Leave a Reply