فاروق آباد (بابر علی بسراء) فاروق آباد تھانہ صدرگاؤں باہڑ میں پولیس نے غنڈہ گردی کی انتہا کر دی وردی تو بدل گئی مگرپولیس نہ بدل سکی رضامندی سے نکاح کرنا جرم بن گیاتفتیشی نزیر اے ایس آئی لدھیوالا وڑائچ گجرانوالہ نے لاہور ہائی کورٹ کے احکامات ہوا میں اڑا دیئے پویس کی غنڈہ گردی کے خلاف اہل علاقہ کا شدید احتجاج تفصیلات کے مطابق تھانہ صدر فاروق آباد کے رہائشی محمد شہزاد نے زونیرہ بی بی سے رضا مندی سے نکاح 12,12,2018کو باہمی رضامندی سے ہوا جو کہ زونیرہ بی بی کے گھر والوں کو ناگوار گزرا جو نکاح کے بعد دونوں میاں بیوی کے دشمن بن گئے اور اوچھے ہتھکنڈوں پر اتر آئے اور لڑکے سمیت اس کے گھر والوں کے خلاف مقامی پولیس کی ملی بھگت سے چھوٹے اور من گھڑت مقدمات بنوانے شروع کر دیئے گزشتہ شب لڑکی کے ورثاء نے پولیس کے ہمراہ شہزاد کے گھر دھاوا بول دیااور گھر کی دیواریں توڑ کر اندر داخل ہو کر لڑکی اور لڑکے کو پکڑ کر اپنی گاڑی میں بٹھا لیاگھر سے قیمتی موبائل اور دس ہزار نقدی بھی لے اڑے اور شور کی آواز سن کراہل دیہہ اکٹھے ہو گئے اور ان دونوں کو گاڑی سے اتار لیا اور جب ان کے خلاف اندارج مقدمہ کے لیئے تھانہ صدر فاروق آباد کو درخواست دی گئی جسکا ٹیگ نمبر 389ہے تو پویس نے مقدمہ درج کرنے سے انکار کر دیا اور درخواست گزار کے مطابق پولیس نے بھاری رشوت لیکر اور اپنے پیٹی بند بھائیوں کو بچانے کی خاطرالٹامیرے اور میرے خاندان پر جھوٹا مقدمہ درج کروا دیاجو کہ سراسر نا انصافی اور ظلم ہے کیونکہ ملزمان بااثر ہیں جو میری بیوی اور میرے پورے خاندان کو جان سے مارنے کی کوشش کر رہیں ہیں لہذا میں حکومت وقت سے اپیل کرتا ہوں کہ مجھے اور میرے خاندان کو تحفظ فراہم کیا جائے اور میرا مقدمہ درج کر کے ملزمان کو قرار واقعی سزا دی جائے
