نیشنل یوتھ اسمبلی ضلع شیخوپورہ کے زیر اہتمام جشن آزادی کے سلسلہ میں بلدیہ فاروق آباد میں تقریب کا انعقاد
نیشنل یوتھ اسمبلی کے نوجوان حنان علی عباسی کی قیادت میں ملک کی تقدیر بدلنے میں اپنا اہم کردار ادا کر رہے ہیں: سیدجواد شاہ
فاروق آباد(ایف یو نیوز)نیشنل یوتھ اسمبلی ضلع شیخوپورہ کے زیر اہتمام جشن آزادی کے سلسلہ میں میونسپل کمیٹی فاروق آباد میں شاندار تقریب کا اہتمام کیا گیا ہے جس میں چیف آفیسر بلدیہ میاں شاہد رسول،چوہدری غلام مصطفی ورک اور ممبران نیشنل یوتھ اسمبلی ضلع شیخوپورہ سید تقی رضا بخاری جنرل سیکرٹری نیشنل پریس کلب رجسٹرڈ فاروق آباد، ڈاکٹر قیصر شہزاد ، مبشر حیات رندھاو ا، سیٹھ رضوان حمید، حافظ نبیل ، سید توقیرشاہ بخاری ،رانا حسیب امجد، محمد عثمان منج، سید عمران علی شاہ ،رانا کلیم مقبول ، حمزہ شاہد ، راجہ غلام باہو ، تنویر گجر ، چوہدری عمیر گجر ،چوہدری بلال ورک ،منگتا گجر، بابر امین گورائیہ اورملک احسان نے شرکت کی۔تقریب سے خطاب کرتے ہوئے ضلعی سربراہ شیخوپورہ نیشنل یوتھ اسمبلی سید جواد حسین شاہ نے کہا کہ حنان علی عباسی کی قیادت میں نوجوان دن رات عوام کی خدمت میں مصروف عمل ہیں نیشنل یوتھ اسمبلی نوجوانوں کا وہ واحد ادارہ ہے جو حکومت کے ساتھ مل کر کام کر رہا ہے ۔اس موقع پر انہوں نے حکومت پاکستان سے مطالبہ کیا کہ پرائیویٹ سیکٹر کے طلبا ء کو لیپ ٹاپ سولر لیمپ، انٹرنشپ جیسے پروگرام میں برابر کی نمائندگی دی جائے ۔ انہوں نے کہا کہ ایجو کیشن ، ہیلتھ اور دوسرے شعبوں میں نوجوانوں کی فلاح و بہبود کیلئے کام کیا جائے گااور نوجوانوں کی آواز اقتدار کے ایوانوں تک پہنچائی جائے گی۔
Leave a Reply