فاروق آباد ( ایف یو نیوز)حلقہ پی پی 169ممبر صوبائی اسمبلی ,پارلیمانی سیکرٹری اور پاکستان مسلم لیگ (ن) کے رہنما چوہدری سجاد حیدر گجر نے صحافیوں سے بات چیت کرتے ہوئے کہا کہ نیب انکوائری کے متعلق گردش کرنے والی خبروں کی حقیقت یہ ہے کہ 2012میں حلقہ پی پی169میں پاکستان پیپلز پارٹی کے ایم پی اے تھے اور انہوں نے اپنے دور اقتدار میں کام وغیرہ کروائے ان پر نیب انکوائری کررہا ہے لیکن اس انکوائری کو موجودہ ایم پی اے پر میڈیا کے ذریعے تھوپ دینا کسی صورت درست نہیں،انکوائری 2012کے پریڈ کی ہورہی ہے اور خبریں موجودہ ایم پی اے کی چلائی جارہی ہیں ، چوہدری سجاد حیدر گجر نے مزید کہا کہ نیب اپنے طریقہ کار کے مطابق انکوائری کرے اگر اس سلسلہ میں نیب نے ہمیں بلایا تو ہم اس کیلئے حاضر ہیں اور اگر ثابت ہوجائے تو ہم ہر سزا کیلئے تیار ہیں لیکن یہ کسی صورت درست نہیں کہ کوئی ہمارا میڈیا ٹرائل کرے یہ غیر اخلاقی غیر قانونی اقدامات ہیں جس کی مذمت کرتے ہیں اور اس میں ملوث افراد کے خلاف عدالت میں دعویٰ دائر کر دیا ہے جس کی سزا ان کو مل کر رہے گی ۔
