شریف برادران اور انکی ٹیم نے دن رات محنت کرکے قوم کو مسائلوں او ربحرانوں کی دلدل سے نکالنے کیلئے انتھک جدوجہد کی : سید مشتاق حسین شاہ
فاروق آباد(ایف یو نیوز)صدر پنجاب مسلم لیگ لیبر ونگ ،ضلعی چئیرمین عشر وزکواۃ کمیٹی شیخوپورہ الحاج سید مشتاق حسین شاہ بخاری نے کہا ہے کہ موجودہ دور پاکستان کی سیاسی تاریخ کا سنہری ترین دور ہے شریف برادران اور انکی ٹیم نے دن رات محنت کرکے قوم کو مسائلوں او ربحرانوں کی دلدل سے نکالنے کیلئے انتھک جدوجہد کی خوشحالی کی نئی تاریخ رقم ہوئی ہے پاکستان کا مستقبل حقیقی معنوں میں روشن ہوا ہے ماضی کی نسبت آج قوم بہتری محسوس کررہے ہیں اگر ماضی کے حکمرانوں نے ذاتی مفادات کی بجائے قومی اور عوامی مفادات کیلئے کام کیا ہوتا تو آج ہمیں اس قدر جدوجہد نہ کرناپڑتی توانائی بحران کے حل پر کوئی توجہ نہیں دی گئی اور صرف ڈنگ ٹپاؤ پالیسی کے تحت کام چلایا گیا جس کا خمیازہ پوری قوم نے بھگتا ہے ان خیالات کااظہارانہوں نے لاہور میں حمزہ شہباز شریف سے ملاقات کے بعد میڈیا کے نمائندوں رانا حمید الرحمن ،چوہدری عدیل احمد ورک ،بابر بھائی،سید تقی رضا شاہ بخاری ،حاجی شہباز احمد گھمن،چوہدری غلام حسین،رانا وسیم اسلم سے بات چیت کرتے ہوئے کیا انہوں نے کہاکہ مسلم لیگ (ن) نے عوامی امنگوں کی ترجمانی کرتے ہوئے مختصر ترین عرصہ میں بہترین حکمت عملی کا مظاہرہ کرتے ہوئے ریکارڈ ترقیاتی کام کرائے ہیں اور وہ دن دورنہیں جب پاک وطن کے ہر سو روشنیاں ہی روشنیاں ہونگی۔
Leave a Reply