فاروق آباد ( ایف یو نیوز) ڈی ایس پی ٹریفک پولیس ضلع شیخوپورہ زاہدعباس خواجہ نے میلہ مریم آباد کے سلسلہ میں صدر پریس کونسل (رجسٹرڈ ) بابر بھائی اور چوہدری عدیل احمد ورک سے خصوصی گفتگو کرتے ہوئے کہا کہ میلہ مریم آبادٹریفک کو کنٹرول کرنے کیلئے 2ڈی ایس پیز3انسپکٹر 96پولیس اہلکار تعینات کیئے گئے ہیں تاکہ دور دراز سے آنے والے زائرین کو ٹریفک کے مسائل سے دوچار نہ ہو نا پڑے پیدل چلنے والے قافلے احتیاط کے ساتھ سفر کر سکیں اور سڑک سے ہٹ کر پیدل چلیں ،ٹریفک کے ہجوم کو کنٹرول کرنے کیلئے بڑی تعداد میں نفری تعینات کی گئی ہے تعینات تمام ملازمین2شفٹوں میں ڈیوٹی انجام دیں گے پہلی شفٹ صبح 8بجے سے رات8بجے اور دوسری شفٹ 8بجے رات سے 8بجے دن تک ہوگی جس کی نگرانی ڈی ایس پی ننکانہ صاحب پیر ریاض شاہ اور ڈی ایس پی نعیم چیمہ کریں گے زاہد عباس خواجہ نے مزید کہا کہ روڈ پر ٹریفک کو کنٹرول کرنے کیلئے cctvکیمروں سے مدد بھی لی جائے گی روڈ پر تعینات تمام ٹریفک پولیس کے افسران اور اہلکاروں کو سختی سے ہدایت ہے کہ وہ کسی قسم کی غفلت نہ برتیں اور زائرین کو ہر ممکن سہولت فراہم کریں ۔
