کرسچن بچی کے ساتھ زیادتی کرنے والے ملزم کو کیفر کردار تک پہنچایا جائے گا ۔کامران مائیکل

فاروق آباد (ایف یو نیوز) تھانہ صدر فاروق آبادکے علاقہ گاؤں کیلے بشمولہ اجنیا نوالہ میں نصر مسیح اپنے بیوی بچوں کے ہمراہ قریبی کھیتوں میں دھان کی فصل لگا رہا تھا کہ مسماۃ سونیا بی بی گھر میں اکیلی تھی ملزم اقرار کمبوہ ولد عباس موقعہ پا کر گھر میں داخل ہو گیا اور سونیا کو زبردستی زیادتی کا نشانہ بنا ڈالا لڑکی کی چیخ وپکار سن کر اہل علاقہ جمع ہوگئے جس پر ملزم اقرار فرار ہو گیا تھانہ صدر فاروق آباد نے بچی کے والد کی درخواست پر مقدمہ درج کرکے تفتیش شروع کر دی ۔
وفاقی وزیر شیپنگ اینڈ پورٹ کامران مائیکل ،ایم پی اے چوہدری سجاد حیدر گجر ،نومنتخب چئیرمین چوہدری اسامہ ظہور گجر کے ہمراہ فاروق آباد کے نواحی گاؤں کیلے کا دورہ کیا اور متاثرہ بچی عیادت کی کامران مائیکل نے مظلوم بچی سونیا کے والدین سے ان کے گھر میں تفصیلی ملاقات کی اور انہیں یقین دلایا کہ ملزم کتنے ہی بااثر ہوں ان کو کیفر کردار تک پہنچایا جائے گا ،ملزم اقرار کمبوہ ولد عباس کے خلاف تھانہ صدر میں مقدمہ درج کرکے گرفتار کر لیا گیا ہے،اور اسلسلہ میں متاثرہ بچی اور اس کے خاندان کو مکمل مالی اور لیگل سہولیات میسر کی جائیں گی۔ پاکستان میں تمام اقلیتوں کو یکساں حقوق حاصل ہیں اور حکومت پاکستان کا فرض ہے کہ وہ تمام اقلیتوں کو یکساں حقوق اور انصاف فراہم کرے انہوں ایک سوال کے جواب میں کہا کہ اگست تک ملک بھر میں انسانی حقوق کمیٹیاں قائم کردی جائیں گی جس میں وکلاء ،صحافی ،سیاستدان ،کاروباری ،این جی اوز اور دیگر شعبہ ہائے زندگی سے وابستہ افراد کی نمائندگی ہو گی اور یہ کمیٹیاں گراس روٹ لیول ست پارلیمنٹ تک انسانی حقوق پر آگاہی اور کام کریں گی ۔

QR Code: