ایل پی جی گیس کی غیر قانونی ریفلنگ کے دوران دوکان میں دھماکہ سے آگ بھڑک اٹھی ،ایک بارہ سالہ بچہ زد میں آکر شدید جھلس گیا
فاروق آباد (نامہ نگار ) ایل پی جی گیس کی غیر قانونی ریفلنگ کے دوران دوکان میں دھماکہ سے آگ بھڑک اٹھی ،ایک بارہ سالہ بچہ زد میں آکر شدید جھلس گیا۔فائر بریگیڈ کے عملہ نے 4گھنٹے بعد آگ پر قابو پالیا ۔لاکھوں کا سامان جل کر خاکستر ہوگیا۔تفصیلات کے مطابق اپروچ روڈ پرچوک صفانوالا میں واقع غیر قانونی طور پر قائم گیس سلنڈر کی دوکان میں ایک سلنڈر سے دوسرے سلنڈر میں گیس ریفلنگ کے دوران اچانک زور دار دھماکہ ہو گیا جس سے دوکان میں آگ بھڑک اٹھی آگ اتنی شدید تھی کہ اس نے دیکھتے ہی دیکھتے نہ صرف ساتھ والی دوتین دوکانوں کو بھی اپنی لپیٹ میں لے بلکہ وہاں پاس ہی موجود ایک بارہ سالہ بچہ بھی آگ کی زد میں آکر شدید جھلس کر زخمی ہو گیا جسے ریسکیو نے فو ری طبی امداد کے لئے ہسپتال پہنچایا جبکہ آگ کی اطلاع ملتے ہی فائر بریگیڈ کی چار گاڑیوں نے فوری پہنچ کر چار سے پانچ گھنٹوں کی مسلسل کو ششوں سے آگ پر بامشکل قابو پایا اس موقع پر تھانہ سٹی کے ایس ایچ سید وجیہہ الحسن اور ٹی ایم اے شیخوپورہ،مقامی امن کمیٹی کے سربراہ ملک محمد صدیق آڑھتی ،سید ذاکر حسین شاہ ،مولنا ریاض رضوی ،پپو پہلوان ،رائے شفیق ،محمد عمران فیملی مارٹ والے اور دیگر معزز ممبران بھی پولیس کی بھاری نفری کے ہمراہ موجود رہے ۔شہریوں نے اس واقع کے بعد ڈی سی او شیخوپورہ سے غیر قانونی گیس سلنڈر کی قائم دوکانوں کے خلاف سخت کاروائی کامطالبہ کر دیا ہے۔
Leave a Reply