فاروق آباد ( ایف یو نیوز)آزاد امیدوار برائے ممبر صوبائی اسمبلی گل زمان خان نے کہا ہے کہ کسی بھی قوم کی تقدیر بدلنے میں نوجوان نسل کا بڑا اہم کردار ہوتا ہے میرے ساتھ نوجوانوں کاجوق در جوق شامل ہونا اس بات کا غماز ہے کہ نوجوان نسل پاک وطن میں اسلامی نظام کے نفاذاور پاکستان کو کرپشن فری ریاست دیکھنا چاہتے ہیں ماضی اور حال میں کرپشن کو کمیشن کا نام دیکر جس طرح لوٹ مار کی گئی ہے سب کچھ عوام کے سامنے ہے حکمرانوں نے ہمیشہ قوم سے قربانی مانگی ہے مگر اب حالات کا تقاضا ہے کہ قوم قربانی نہیں بلکہ کرپشن میں لت پت حکمران اور سیاستدان قربانی دینگے ان خیالات کااظہارانہوں نے ڈیرہ ملاسنگھ میں منعقدہ تقریب کی صدارت کرتے ہوئے کیاگل زمان عرف گڈوخان نے کہاکہ موجودہ حالات ثابت کرتے ہیں قائد اعظم محمد علی جناح کا قول آج سچا تھا کہ ’’میری جیب میں کھوٹے سکے ہیں‘‘ ہمیں ہجوم سے قوم بننا ہے اور پاکستان کو قائد اعظم کے خوابوں کے مطابق تعبیر کرنا ہے اسی میں ہماری فلاح اور ترقی کا راز مضمر ہے انہوں نے کہاکہ اگر اب بھی ہم اپنے وسائل کی بجائے غیر ملکی قرضوں اور کشکول کو ترجیح دینگے تو تنزلی ہمارا مقدر بن جائیگی ۔
