ہومیو پیتھک ڈاکٹر زکو ایلو پیتھک ڈاکٹر ز کے برابر حقو ق دئیے جائیں۔ ڈاکٹر مرزا فرمان علی
فاروق آباد(ایف یو نیوز)الیکٹرانک میڈیا ایسوسی ایشن فاروق آباد کے زیر اہتمام بلدیہ ہال میں ایک فری میڈیکل کیمپ کا انعقاد کیا گیا جس میں پاکستان ہومیوپیتھک میڈیکل ایسوسی ایشن کے پروفیسر ڈاکٹرز،صدر ڈاکٹر عبدالجبار میاں ،ایڈیشنل جنرل سیکرٹری ڈاکٹر مرزا فرمان علی،نائب صدر ڈاکٹر ثناء اللہ،جنرل سیکرٹری ڈاکٹر شفیق،جوائنٹ سیکرٹری ڈاکٹرعبدالستار،فنانس سیکرٹری میاں بلال ، ڈاکٹر ارم ودیگر سٹاف ا ورلیڈی ڈاکٹرز نے شرکت کی سینکڑوں مریضوں کا چیک اپ کیا اور مفت ادویات دی گئی فری میڈیکل کیمپ میں ہر طرح کے ٹیسٹ کی سہولت موجود تھی جس میں ای سی جی،الٹرا ساونڈ،ایکسرے،اورہیپاٹائٹس کے ٹیسٹوں سمیت مریضوں کو ہر قسم کی طبی سہولیات فراہم کی گئی جبکہ غریب مریضوں نے ڈاکٹرز اور الیکٹرانک میڈیا کی اس کاوش کو سراہا پروفیسر ڈاکٹر مشہود اسلم ڈار نے میڈیا سے بات چیت کرتے ہوئے کہ حکومت ہومیو ڈاکٹرز کے ساتھ سوتیلی ماں جیسا سلوک نہ کرے اور ہمیں بھی سرکاری سطح پر نوکریاں دی جائیں۔ تاکہ ہم بھی عوام کی خدمت کر سکیں۔ اور ہو میو پیتھک ایسوسی ایشن فاروق آباد کے ایڈیشنل جنرل سیکرٹری ڈاکٹر مرزا فرمان علی نے کہا کہ ہومیو پیتھک ڈاکٹر زکو ایلو پیتھک ڈاکٹر ز کے برابر حقو ق دئیے جائیں۔ اس موقع پر صدر الیکٹرانک میڈیا میاں لیاقت علی اور جنرل سیکرٹری الیکٹرانک میڈیارجسٹرڈ فاروق آباد سید تقی رضا شا ہ بخاری نے کہا کہ فاروق آباد کی آبادی تقریبا تین لاکھ پر مشتمل ہے۔ سرکاری ہسپتال میں ہمیشہ ادویات اور ڈاکٹر ز کا فقدان رہا ہے جب بھی کوئی مریض دوائی لینے سرکاری ہسپتال جاتا ہے تو اکثر کے ہاتھ میں پرچی تھما دی جاتی ہے کہ میڈیسن بازار سے جا کر خرید لو اور میڈیشن بھی اتنی مہنگی لکھ کر دی جاتی ہے جو مریض کی پہنچ سے باہر ہوتی ہے لوگوں کا کہنا تھا کہ الیکٹرانک میڈیا ایسوسی ایشن غریبوں کے لیئے امید کی ایک کرن ہے اہل علاقہ نے وزیراعلی پنجاب میاں محمد شہباز شریف،سیکٹری ہیلتھ پنجاب ، اور ڈی سی او شیخوپورہ سے مطالبہ کیا ہے کہ اس طرح کے فری میڈیکل کیمپس کا انعقاد حکومتی سطح اور مستقل بنیادوں پر کیا جائے تاکہ غریب عوام کو زیادہ سے زیادہ طبی سہولیات مل سکیں اس موقع پر لوگوں نے الیکٹرانک میڈیا ایسوسی ایشن فاروق آباد کی پوری ٹیم کا شکریہ ادا کیا۔
