بجلی اور گیس لوڈ شیڈنگ کی انتہا ہو گئی، دورانیہ 14گھنٹے سے تجاوز کر گیا
فاروق آباد (ایف یو نیوز ) فاروق آبا د میں بجلی اور گیس کی لوڈشیڈنگ کی انتہا ہو گئی، لوڈ شیڈنگ کا دورانیہ چودہ گھنٹے سے تجاوز کرگیا، مسلسل سات سات گھنٹے بجلی کی فراہمی معطل رہنے لگی، ایکسئین سمیت ایس ڈی او ، لائن سپرنٹنڈنٹ صارفین کے فون بھی اٹینڈ نہیں کرتے ، بتایا گیا ہے لوڈ شیڈنگ کا دورانیہ چودہ گھنٹے سے تجاوز کرگیا ہے، جس سے لوگوں کو شدید مشکل کا سامنا ہے ۔ دوسری طرف گیس بھی دن رات میں صرف نو گھنٹے آتی ہے ۔مسلسل لوڈ شیڈنگ اور گیس شیڈنگ کے خلاف تاجر اور سول سوسائٹی کے افراد سراپاء احتجاج بن گئے ، لوگ دن بھر بجلی اور گیس کے منتظر رہتے ہیں مگر بجلی اور گیس چندگھنٹوں کیلئے آ کر پھر چلی جاتی ہے ، شہریوں کو شدید اذیت ناک صورتحال کا سامنا کرنا پڑرہا ہے ،لوگوں نے پریس کلب کے سامنے احتجاجی مظاہرہ کیا او رحکومت کے خلاف نعرہ بازی کی اورلوڈ شیدنگ اور گیس شیڈنگ بند کرنے کا مطالبہ کیا۔
Leave a Reply