فاروق آباد(ایف یو نیوز)ڈسٹرکٹ پولیس آفیسر شیخوپورہ سرفراز خان ورک نے میڈیا سے بات چیت کرتے ہوئے کہا کہ تمام پولیس افسروں پر زور دیا ہے کہ وہ اپنے فرائض کو دیانتداری سے انجام دیں، وردی کا مقصد لوگوں کی جان و مال کی حفاظت کرنا ہے میری اولین ترجیح جرائم پیشہ افراد رسہ گیروں منشیات فروشوں کا قلع و قمع کرنا ہے اس کے علاوہ لوگوں کی دیرینہ دشمنی کے واقعات کو کنٹرول اور اُن میں واضح کمی کے لئے آئندہ ایک دو روز میں لا ئحہ عمل تیا ر کیا جائے گا مزید یہ کہ ایس ڈی پی اوز کو ہدایت کی کہ جیل سے رہا شدہ ملزمان باب 12-17کا سابقہ ریکارڈ اکٹھا کیا جائے اور انہیں مانیٹر کیا جائے کیونکہ 95فی صد واردات جیل سے رہا شدہ مجرمان کرتے ہیں اس لئے انہیں مانیٹر کیا جا نا جرائم میں کمی کے لئے بہت ضروری ہے، ڈی پی او نے پولیس افسروں کو کہا کہ محکمہ کی عزت کو ہر صورت ملحوظ خاطر رکھا جائے گا انہوں نے عوام کے لئے پیغام دیا کہ پولیس ملازمان کی بے عزتی کسی صورت برداشت نہیں کی جائے گئی پولیس ملازمان کے ساتھ ہونے والی زیادتی دراصل میرے ساتھ زیادتی ہے جو میں کسی صورت برداشت نہیں کروں گا انہوں نے ایس ایچ اوز کو ہدایت کی کہ انوسٹی گیشن کے معیار کو بہتر بنایا جائے تاکہ مظلوم عوام کو بروقت انصاف مہیا کیا جا سکے تھانے میں غریب آدمی کو انصاف کے حصول کے لئے کسی شفارش یا کسی پولیس ملازم کی مٹھی گرم کرنے کی پالیسی کسی صورت برداشت نہیں ہو گی اور ایسی کوئی صورت سامنے آئی تومرتکب پولیس ملازم کو سزا کے معاملے میں کوئی رعایت نہیں دی جائے گی انہوں نے کہا کہ آبادی کے لحاظ سے ضلع شیخوپورہ میں پولیس کی نفری انتہائی کم ہے جبکہ گاڑیاں بھی بوڑھی ہوچکی ہیں تاہم ہم اپنے وسائل کے اندر رہتے ہوئے اچھی سروس فراہم کریں گے انہوں نے کہا کہ پولیس کا اصل کام شریف شہریوں کو سہولیات فراہم کرنا ہے اور جرائم پیشہ افراد ان کی پشت پناہی کرنے والے لوگوں کی سرکوبی کرنا ہے ۔

QR Code: