فاروق آباد (ایف یو نیوز ) صبح سویرے مقامی پولیس تھانہ سٹی فاروق آباد کو خفیہ اطلاع ملی کہ اپروچ روڈ نزد مغربی ریلوے پھاٹک کے قریب بچڑ خانے میں کچھ افراد کتے کا گوشت فروخت کرنے کیلئے بنا رہے ہیں،چونکا دینے والی اس خبر سے علاقہ بھر میں سنسنی پھیل گئی پولیس نے فوری کاروائی کرکے ایک شخص کو جو مردہ جانوروں کی کھالیں اُتار نے اور ہڈیاں وغیرہ فروخت کا کام کرتاہے اسکو مذکورہ گوشت سمیت گرفتار کر لیا گرفتار ملزم شیخ عبدالرزاق نے بتایا کہ گوشت کتے کا نہیں گدھے کا ہے اور ہم ہڈیاں اور جانوروں کی کھالیں فروخت کرنے کا کاروبار عرصہ 100سال سے کر رہے ہیں ،ان افراد کی نشاندہی پر مزید ایک شخص تاجدین عرف تاجے کو گرفتار کیا گیا ہے جس نے مذکورہ گدھا 1000روپے میں فروخت کیا ہے ،پولیس نے گدھے کی ہڈیاں اور کھال برآمد کرلی ہیں تاہم ہڈیوں سے گوشت غائب ہے جس سے گمان پیدا ہو رہا ہے کہ ان لالچی افراد نے گوشت لاہور کے ہوٹلوں میں جانے والے گوشت میں شامل کر کے بھجوادیا ہے جوقیمہ کباب تکہ وغیرہ بنانے میں استعمال ہوتا ہے پولیس مصروف تفتیش ہے ۔
