ڈی سی او شیخوپورہ کے دورہ فاروق آباد سے سخت مایوسی ہوئی
فاروق آباد (ایف یو نیوز) ڈی سی او شیخوپورہ کے دورہ فاروق آباد سے سخت مایوسی ہوئی ،ڈی سی او نے بہت سے مسائل،کرپشن ،بد عنوانی اور خامیوں کو خود دیکھا اور چیک کیا لیکن کسی سرکاری ملازم کی سرزنش نہیں کی کسی کو وارننگ یا شوکاز نہیں دیا ،جبکہ فاروق آباد کے عوام ڈی سی او کو سابق ڈی سی او شیخوپورہ کرن خورشید کی طرح دبنگ فیصلے کرنے والا دیکھنا چاہتے تھے ۔ڈی سی او ’’ڈنگ ٹپاؤ ‘‘پالیسی کے تحت کام کررہا ہے ۔بتایا گیا ہے کہ گذشتہ روز ڈی سی او شیخوپورہ نے گرلز ڈگری کالج کا دورہ کیا کالج کے ساتھ ہی سرکاری ہسپتال کا وزٹ کیا،دوائیوں کی کمی ،ایکسرے فلموں کا ختم ہونا اوردیگر بہت سے مسائل حل طلب تھے ،فاروق آباد میں جاری ترقیاتی کاموں میں غیر معیاری میٹریل ،نادرا آفس کا قیام ،نیو سبزی منڈی کا غیر قانونی قیام ، ٹی ایم سے متعلقہ مسائل کے انبار تھے لیکن ڈی سی او نے کسی بھی مسلئے کو حل کرنے کیلئے کوئی ٹھوس اقدامات کا اعلان /حکم نہیں دیا اور نہ ہی کسی سرکاری ملازم کو کوتاہی پر سرزنش کی جس کی وجہ سے فاروق آباد کی عوام کو ڈی سی او کی کارکردگی اور پیشہ ورانہ مہارت اور قابلیت سے سخت مایوسی ہوئی لوگوں کا کہنا ہے کہ ڈی سی او شیخوپورہ کا فاروق آباد میں وزٹ خانہ پوری اورفائل ورک کی حد تک ہے ۔
Leave a Reply