فاروق آباد (ایف یو نیوز)رمضان رحمتوں کا مہینہ ،دودھ فروش عوام کو کیمیکل پلانے میں مصروف۔سرکاری عملہ خاموش تماشائی،ماہ صیام اور گرمی کی شدت کے باعث دود ھ، دہی کی مانگ میں اضافہ ، مضر صحت کیمیکل سے تیار شدہ دودھ ،دہی کی فروخت سرعام جاری،تفصیل کے مطابق سٹی فاروق آباد کے محلہ صدیقی حیدری،محلہ ترکھانہ والا،چوک ڈبہ شاہ،نزد مین گیٹ گورنمنٹ گرلز ہائی سکول ،گرونانک پورہ سٹاپ،چونگی نمبر 3،لاری اڈہ،محلہ کشمیریاں،مین بازار کے اطراف میں اورشہر کے متعدد علاقوں میں رمضان المبارک کے آغاز کے ساتھ ہی جگہ جگہ دو دھ دہی کی چھوٹی چھوٹی دوکانیں اور اڈے کھل چکے ہیں جو کہ رمضان اور گرمی کی شدت کا فائدہ اُٹھانے والے خالص گراں فروش ہیں۔تقریباً تمام ہی دودھ دہی کی دوکان پر مکھیوں وغیرہ سے بچاؤں کیلئے جالیاں نہیں لگائی گئی۔کیمیکل والے ڈرموں میں دودھ کی سپلائی سر عام جاری ہے ۔چند دوکاندار تو ایسے بھی ہیں جو کہ زمین پر برتن رکھ کر دودھ فروخت کرتے ہیں اور ٹریفک کی دھول مٹی وغیرہ سے بچاؤں کیلئے کوئی حفاظتی انتظام نہیں کرتے ۔عوام شدید گرمی اور روزہ کی وجہ سے دودھ دہی زیادہ استعمال کرنے پر مجبور ہیں حکومتی اہلکار مارکیٹ میں دودھ دہی کی انتہائی گھٹیاں کوالٹی کی کھلے عام فروخت پر کوئی نوٹس نہیں لیتے۔اس کے علاوہ 240ایم ایل والی شیشہ کی بوتل میں ٹھنڈے میٹھے دودھ کی فروخت بھی اپنے عروج پر ہیں۔بوتلوں میں دودھ ٹھنڈا اور میٹھا کر کے فروخت کرنے والے محض ایک پاؤ دودھ 30-40روپے میں فروخت کر رہے ہیں اور دودھ کو مصنو عی گاڑھا پن دینے کیلئے اس میں مضر صحت کیمیکل اور چیزیں بھی ملاتے ہیں۔فاروق آباد کے شہریوں کی ڈی سی او شیخوپورہ اور وزیر اعلیٰ پنجاب میاں محمد شہباز شریف سے پر زور اپیل ہے کہ ان گراں فروشوں کے خلاف فوری سخت کاروائی کی جائے۔
