مرکزی جامع مسجد اہل حدیث فاروق آباد میں جاری تنازعہ باہمی مشاورت سے حل ہو گیا
فاروق آباد (ایف یو نیوز) مرکزی جامع مسجد اہل حدیث فاروق آباد میں جاری تنازعہ باہمی مشاورت سے حل ہو گیا ،جماعۃ الدعوہ گروپ اور ملک داؤد گروپ کے درمیان مرکزی مسجداہل حدیث نزد سبزی منڈی کے انتظامی امور کو چلانے پر گذشتہ کئی ہفتوں سے شدیدکشیدگی موجود تھی اور تناوکی وجہ سے گروپوں میں مسلح تصادم کا خطرہ موجود تھا یاد رہے کہ اس سے قبل بھی اسی مسجد میں کشیدگی کی بنا پر دو افراد اپنے جان گنوا بیٹھے ہیں،مسجد میں کشیدگی اور خون ریزی کی خفیہ اطلاعات پر مذکورہ مسجد کو نماز جمعہ کے فوراً بعد سیل کر دیا گیا تھا اور دونوں گروپوں کے چیدہ چیدہ سرکردہ افراد کو مقامی پولیس نے اپنی ہراست میں لے لیا تھا تاہم کچھ ہی دیر بعد دونوں گروپوں کی یقین دہانی پر کہ وہ کوئی جھگڑا نہیں کریں گے مسجد کو کھول دیا گیا ۔مخصوص ذرائع سے معلوم ہو ا ہے کہ کچھ سیاسی افراد بھی مسجد میں امن وامان میں حائل تھے اور دونوں گروپوں کو سپورٹ کر رہے تھے تاکہ آئندہ الیکشن میں جماعت اہل حدیث فاروق آباد کے ان دو نوں گروپوں سے سیاسی مقاصد حاصل کیئے جاسکیں ان سبھی حالات کو دیکھتے ہوئے اور دونوں گروپوں میں کشیدگی کی اطلاعات پر ڈی پی او شیخوپورہ سرفراز احمدخاں ورک نے مقامی ایس ایچ اوسید وجیہہ الحسن شاہ کو خصوصی ٹاسک دیا کہ وہ دونوں فریقین کے درمیان تنازعات کو باہمی افہام تفہیم اور مشاورت کے ساتھ حل کرنے میں موثر کردار ادا کریں ۔ اس سلسلہ میں مقامی متحدہ امن کونسل فاروق آباکے کنوئنیر مولانا محمد ریاض رضوی ،شیخ محمد رمضان ،سید ذاکر حسین شاہ ،ملک محمد صدیق اور حافظ شاہد محمود سعیدی نے اپنا مذہبی کلیدی کردار اداکرتے ہوئے ایس ایچ او سٹی سید وجیہہ الحسن شاہ کے ساتھ مل کر دونوں فریقین کے ساتھ علیحدہ علیحدہ ملاقاتیں کیں اور مسائل تجاویز اور خدشات کو تفصیل کے ساتھ سنا جس کے بعد دونوں فریقین سے پانچ پانچ معززین کے نام لیئے اور ان دس معززین سے دو ،دو معززین کا چناؤکیا گیا چار معززین علاقہ اور مقامی ایس ایچ او /ڈی ایس پی صدر سرکل پر مشتمل کمیٹی،مکمل اتفاق رائے سے تربیت دے دی گئی ہے ۔دونوں گروپوں کے درمیان مسجد میں صلح کروادی گئی صلح کے موقع پر وہاں پر موجود شہریوں کو مٹھائی کھلائی گی مسجدکی انتظامیہ نے ڈی پی او شیخوپورہ سرفراز احمد خاں ورک اور ضلعی انتظامیہ کا شکریہ اور مبارکباد پیش کی نومنتخب کمیٹی مسجد کے امور دیکھنے کیلئے بااختیار ہوگی اور تمام تر تنازعات،مسائل کو حل کرے گی کمیٹی ایک دو دن میں اپنی تجاویز ڈی پی او شیخوپورہ سرفراز احمد خاں ورک کو پیش کرے گی ۔
Leave a Reply