فاروق آباد (ایف یو نیوز) سرگودھا روڈ کے گاؤں جھامکے میں صدر پولیس نے اپنے ہی پیٹی بندھ بھائی کے گھر ہی ہلہ بول کر تباہی مچادی خواتین کے کپڑے پھاڑ کر نیم برہنہ کر دیا ،پالتو گھوڑے کو ڈنڈے مار مار کر لہو لہان کر دیا چھ ماہ قبل انتقال کر جانے والے محکمہ پولیس کے تھانیدار مختار موہل کی بیوہ بشرٰی بی بی اور بہو مہوش نے نے اپنی روداد سناتے ہوئے میڈیا کو بتایا کہ تھانہ صدر شیخوپورہ کے تھانیدار ساجد شاہ نے 50 سے زائددیگر ملازمین وردیوں اور سفید کپڑوں میں ملبوس نے سرشام ہمارے گھر پر حملہ کر دیا چادر اور چار دیواری کے تقدص کو پامال کرتے ہوئے گیٹ اور دیواریں پھلانگ کر ڈاکوؤں کی طرح اندر داخل ہوئے اور آتے ہی ہم پر تشدد کی انتہا کرتے ہوئے سامان کی توڑ پھوڑ کرکے ہمارے اوپر قیامت صغرٰی برپا کردی تمام کمروں میں پڑی فرجیں ،ایل ای ڈیز،ایل سی ڈیز،سیف الماریاں ،فرنیچرز، گھوڑوں کے واڑھ حتیٰ کہ باتھ رومز میں لگے بیسن تک توڑ دیئے اور الماری میں پڑے بشرٰی بی بی کے پرس سے دو لاکھ روپے اور اس کی بہو کے طلائی زیورات چوڑیاں اور کڑے وغیرہ بھی لوٹ کر لے گئے۔

صدر پولیس کی غنڈہ گردی کا شکار ہونے والی بشرٰی بی بی اور مہوش بی بی میڈیا کو تفصیل بتا رہی ہیں جبکہ بائیں جانب مرحوم تھانیدار کی فائل فوٹو ہے

بشرٰی بی بی نے بتایا کہ پولیس ہمارے اوپر بلاجواز بغیر ثبوت کے ہمارے شریکوں کے کہنے پر منشیات فروشی کا الزام لگاتی ہے مگر ہم یہ بات حلفاً کہتے ہیں کہ ہم منشیات فروش نہیں ہیں اور نہ میرے بیٹے نوید پر کوئی منشیات کا مقدمہ درج ہے دس پندرہ روز قبل اسی تھانیدار نے ہمارے گھر چھاپہ مارا تھا جس پر میں نے اس کے خلاف ڈی پی او شیخوپپورہ کو درخواست دی تھی اب ایس ایچ او کے تبدیل ہوتے ہی اس نے نئے آنے والے ایس ایچ او کوورغلہ کر ہم پر ظلم کے پہاڑ توڑ دیئے ہیں متاثرہ خاندان نے وزیراعلی ٰپنجاب میاں شہباز شریف سمیت دیگر قانون سازی کرنے والے اداروں سے مطالبہ کیا ہے کہ ہمیں انصاف فراہم کیا جائے اور ظلم کی انتہا کرنے والے ملازمین کے خلاف سخت محکمانہ کارروائی عمل میں لائی جائے ناجائز دھندہ کرنے والے سماج دشمن عناصر کو ہر گز معاف نہیں کیا جائے گا۔

شیخوپورہ صدر پولیس کی توڑ پھوڑ کے مختلف مناظر

QR Code: