فاروق آباد ( ایف یو نیوز) بھٹہ مالکان ایسوسی ایشن ضلع شیخوپورہ کے زیر اہتمام ایک پر امن احتجاجی ریلی نکالی گئی جس میں فاروق آباد سمیت ضلع بھر کے بھٹہ مالکان شامل تھے ریلی کا مقصد چائلڈلیبر ایکٹ کی آڑ میں بھٹہ مالکان کے ساتھ ہونے والی نا انصافیوں اور ظلم کے خلاف احتجاج ریکارڈ کروانا تھاریلی کے شرکاء سے خطاب کرتے ہوئے ضلعی صدر حاجی محمد اسحاق ولانہ نے کہا کہ چائلڈ لیبرایکٹ کی آڑ میں کاروباری افراد کو ہراساں کیا جا رہا ہے حکومتی اہلکار بلا وجہ بغیر شواہد کے بھٹہ مالکان کے خلاف مقدمات درج کروا رہے ہیں جو کہ سرا سر نا انصافی ہے حکومت کے اس احسن اقدام سے ناجائز فائدہ اٹھاتے ہوئے چند شر پسند عناصراس صنعت کو ناقابل طلافی نقصان پہنچا رہے ہیں حکومت کے اس رویہ سے بھٹہ خشت سے وابستہ لاکھوں خاندانوں کے چولہے بند ہو جائیں گے فاروق آباد کے صدر چوہدری تنویر احمد ورک نے کہا کہ کسی بھی بھٹہ پر کم سن لیبر سے کام نہیں لیا جا رہا ضلع بھر میں بھٹہ خشت کے تمام مالکان اس لاء کی مکمل پاسداری کررہے ہیں چائلڈ لیبر کے خاتمہ میں حکومت سے پر خلوص تعاون کے بدلے جھوٹے مقدمے ،گرفتاریاں اور بھٹوں کو سیل کرکے بھٹہ مالکان کو بے جا تنگ کیا جا رہا ہے بھٹہ مالکان سے نارواسلوک بند کیاجائے ریلی سے ضلعی جنرل سیکرٹری جاوید اقبال چن،چوہدری محمد اسلم ڈوگر،چوہدری سعید ورک،چوہدری ایاز ورک نے بھی خطاب کیااس موقع پر ڈسٹرکٹ آفیسر لیبرمحمد نعیم چوہدری کو تحریری یادداشت بھی پیش کی۔
