فاروق آباد (ایف یو نیوز)اسسٹنٹ کمیشنر شیخوپورہ شبیر بٹ نے ایس ایچ او سٹی سید وجیہہ الحسن شاہ کے ہمراہ محرم الحرام کے مرکزی جلوس کے روٹس کا تفصیلی معائنہ کیا اس موقع پر ان کے ساتھ چیف آفیسر بلدیہ فاروق آباد میاں شاہد رسول بھی موجودتھے مقامی صحافی جنرل سیکرٹری نیشنل پریس کلب سید تقی رضا شاہ بخاری سے گفتگو کرتے ہوئے اے سی شیخوپورہ شبیر بٹ نے کہا کہ محرم الحرام حرمت والا مہینہ ہے زمانہ جاہلیت میں بھی لوگ اس ماہ حرمت میں لڑائی جھگڑے بند کردیتے تھے اور امن وامان کو یقینی بناتے تھے علماء اور محدثین فرماتے ہیں کہ اس ماہ میں برا بول بولنے بالخصوص محترم ہستیوں اور معززین کے بارے میں گالی گلوچ اور طعن و تشنیع کی زبان استعمال کرنے سے بھی اجتناب کرناچاہئے اور گناہوں سے اپنا دامن پاک رکھنا کیونکہ ان سے دل زنگ آلو ہو جاتاہے ،شبیر بٹ نے چیف آفیسر بلدیہ میاں شاہد رسول اور ایس ایچ او سٹی سید وجیہہ الحسن شاہ کے ہمراہ مرکزی ذوالجناح اور مجالس عزا کے روٹس کا معائینہ کیا اور ان روٹس میں موجود تجاوزات کو فوری طور پر ہٹا نے کا حکم دیا ایس ایچ او سٹی سید وجیہہ الحسن شاہ نے مرکزی جلوس ذوالجناح منتظمین سے بھی امن و امان کے حوالہ سے تبادلہ خیال کیا انجمن جعفریہ فاروق آباد کے جملہ احباب نے سیکورٹی کے بہترین انتظامات کرنے پر ضلعی انتظامیہ اور ایس ایچ او سٹی کی کاوشوں کوسراہا۔

QR Code: