فاروق آباد (بابر علی بسراء) محکمہ لیسکو واپڈا سچا سودا سب ڈویژن کی غفلت وعدم توجہی ایک ہی پول پر پورے محلہ کے بجلی میٹر نصب کر دئے گئے۔ بجلی کی لٹکتی ہوئی خطر ناک ننگی تاروں کے گچھے کسی بھی وقت کوئی بڑاسانحہ پیش آسکتا ہے ۔ اہل محلہ واپڈا کے کارنامہ پر شدید پریشانی میں مبتلا ۔تفصیلات کے مطابق محلہ صدیقی حیدری ماسٹر حبدار حسین اوکھ والی گلی میں پورے محلہ کے بجلی سپلائی کی تاریں اور میٹر ایک ہی پول پر نصب کر دیئے گئے ہیں جس کے باعث آئے روز تھوڑی سی تیز ہوا چلنے اور جوڑوں کے ننگے ہونے سے نہ صرف کئی گھروں کی چوبیس ،چوبیس گھنٹوں کے لئے بجلی بند ہوجانے پر دل کے مریضوں ، امور خانہ داری،طلبہ وطالبات اور ملازمت پیشہ افراد کو بڑی سخت پریشانی کا سامنا کرنا پڑتا ہے اور ان لٹکتی ہوئی ننگی تاروں کی وجہ سے کمبے کے قریب سے آنے جانے والے لوگوں خصوصاٌ سکولوں کے بچوں کو شدید جانی خطرہ لاحق ہے جو محکمہ واپڈا سچا سودا سب ڈویژن کی نااہلی و غفلت کا منہ بولتا ثبوت ہے صارفین کی طرف سے متعدد بار متعلقہ سب ڈویژن کے ذمہ داران کو اطلاع کرنے کے باوجود محکمہ واپڈا کے کانوں پر جوں تک نہیں رینگی اہل علاقہ نے وزیراعظم پاکستان ،وفاقی وزیر پانی وبجلی سمیت اعلیٰ افسران سے نوٹس لینے اور جلد ٹرانسفارمر نصب کرنے کا مطالبہ کیا ہے تاکہ اہل علاقہ کسی بھی جانی ومالی نقصان سے محفوظ رہ سکیں ۔
