یوٹیلٹی سٹورز پر چینی مقررہ مقدار سے کم ہونے پر صارفین خالی ہاتھ لوٹ جاتے ہیں
فاروق آباد ( سٹاف رپورٹر) یوٹیلٹی سٹورز پر چینی مقررہ مقدار سے کم ہونے پر صارفین خالی ہاتھ لوٹ جاتے ہیں ،ریجنل منیجر ضلع شیخوپورہ فاروق آباد کے یوٹیلٹی سٹور ز کو چینی، شربت اور دیگر جنرل آئٹمز کھپت کے مطابق پروائیڈ نہیں کرتے جس کی وجہ سے صارفین کو یوٹیلٹی سٹورز نے مایوس لوٹنا پڑرہا ہے بتایا گیا ہے کہ فاروق آباد میں میلاد چوک ،اپروچ روڈ ،اور چونگی نمبر3کے قریب تین عدد یوٹیلٹی سٹورز قائم ہر سٹور کو روزانہ1000کلو چینی چاہئے جبکہ ان سٹور ز کو ایک ماہ بعد صرف400کلو چینی فراہم کی گئی ہے سٹور زپر موجود دالوں کا وزن پرنٹ شدہ وزن سے کم ہے یوٹیلٹی وئیر ہاؤس میں دالوں کی پیکنگ کی جاتی ہے اور وزن میں کمی کرکے روزانہ لاکھوں روپے کی کرپشن کی جارہی ہے عوامی حلقوں نے وزیر اعظم پاکستان سے اپیل کی ہے کہ فاروق آباد کے یوٹیلٹی سٹور ز پر چینی ،شربت اور دیگر جنرل آئٹمز کھپت کے مطابق پروائیڈ کی جائیں اور دالوں کو لکھی گئی مقدار کے مطابق پیک اور فروخت کیا جائے اور کرپشن میں ملوث ضلعی وئیر ہاؤس انچارج اور ریجن منیجر ضلع شیخوپورہ کے خلاف قانونی کاروائی عمل میں لائی جائے ۔
Leave a Reply