یوم القدس کے موقع پر فلسطینی مسلمان سے اظہار یکجہتی کیلئے احتجاجی ریلی
فاروق آباد (سٹاف رپورٹر) یوم القدس کے موقع پر فلسطینی مسلمان سے اظہار یکجہتی کیلئے مرکزی امام بارگاہ حسینیہ سے چوک لاری اڈہ تک احتجاجی ریلی نکالی گئی تفصیلات کے مطابق فلسطینی بھائیوں کے حق میں امریکی اور اسرائیلی جارحیت کے خلاف تحریک ملت جعفریہ ،شیعہ علماء کونسل اور مجلس وحدت المسلمین کے زیر اہتمام ریلی نکالی گئی جس میں سینکڑوں افراد نے شرکت کی ریلی سے خطاب کرتے ہوئے علامہ حیدر علی ہادی سکردونے کہا کہ جب تک امت مسلمہ میں آپس میں اتحاد و یکجانیت پیدا نہیں ہو جاتی ہم کفار امریکی اور اسرائیلی کے ظلم و بربیت کا نشانہ بنتے رہیں گے اس موقع پر علامہ گلزار حسین فیاضی نے کہا کہ ہمارے اندر جب تک خون کا ایک قطرہ بھی باقی رہے گا ہم قبلہ اول بیت المقدس کی یہودیوں کے خونی پنجوں سے آزادی جدوجہدجاری رکھیں گے ریلی میں شیعہ علماء کونسل کے صدر سیدذاکر حسین شاہ ،سیدبابر عباس نقوی ،آغا ولائت علی جوہری ،ملک غلام مرتضیٰ علوی ،ڈاکٹر امجد علی چشتی ،عارف حسین حیدری ،گلزار حسین چوہان ،نے شرکت کی ریلی میں شریک افراد نے ہاتھوں میں پلے کارڈ اور بینر اٹھا رکھے تھے جن پر امریکہ اور اسرائیل کے خلاف نعرے درج تھے ۔
Leave a Reply