ہارون آباد: قائد اللہ اکبر تحریک ڈاکٹر میاں احسان باری نے کہا ہے کہ ہمار ا ملک دنیا میں گھی پیدا کرنے والا دوسرا ،دودھ کی پیداور میں پانچواں ،کھجور کی پیداوار میں چھٹا آم اور کینوکی پیداوار میں آٹھواں اور گوشت کی پیداوار میں 16واں بڑا ملک ہے گذشتہ روزچنیوٹ میں سونے ، تانبے اور لوہے کے ذخائر ملنے پرسونے میں بھی ہمارا تیسرا نمبر آگیا ہے اس خطے میں ان گنت دریا اور ندیاں ہیں جبکہ سولہ ممالک میں ایک بھی دریا نہیں جبکہ سترہ ملک صرف خشکی پر واقع ہیں ہمارے ملک میں گندم ،چاول ،کپاس گنا وافر مقدار میں پیدا ہوتا ہے جبکہ دنیا کے45ملکوں میں یہ اجناس پیدا ہی نہیں ہوتیں اسلامی ممالک میں ایٹمی صلاحیت حاصل کرنے والا اور قادیانیوں کو غیر مسلم قرار دینے والاہم پہلا ملک ہیں۔ مگر 67برس سے ہمارے حکمران وفاداریاں تبدیل کرنے والے،چڑھتے سورج کے پجاری رہے ہیں جن کا ہر عمل ملک و ملت کی دشمنی پر منتج ہوتا ہے۔ لوٹے لٹیرے جاگیرادر وڈیرے جس پارٹی میں جاتے ہیں وہ مکاریوں اور بد عنوانیوں کے نئے نئے طریقوں کے مو جدہونے کی وجہ سے اُس پارٹی کوسیاسی طور پر دفن ہوتا دیکھ کرپھر گدھوں کی طرح اڑان لگا کرکسی اور پارٹی میں پہنچ کرغریب عوام کاخون چوسنا اور گوشت نو چنا شروع کردیتے ہیں یہ تو وہی ہوا نہ کہ ؂واعظ بھی اسی بت کو خدا مان رہا ہے۔اس شہر میں اب کون مسلمان رہا ہے۔جن بد کردارانگریزوں کی جوتیاں چاٹنے والے جاگیرداروں کی وجہ سے ملکی حالات اس نہج کو پہنچ چکے ہیں وہی افراد تبدیلی کیسے لاسکتے ہیں سبھی برسر اقتدار پارٹیاں مرکز اور پنجاب میں ن لیگ سندھ میں پی پی اور کے پی کے میں پی ٹی آئی انہی خود ساختہ خداؤں کی آماجگاہیں بن چکی ہیں۔ یہ سبھی سیاسی حمام میں اکٹھے الف ننگا نہارہے ہیں غریب پستا چلاجارہاہے بدامنی اور بیروز گاری شیطان کی آنت کی طرح بڑھتی چلی جارہی ہیں ق لیگی پچھلے سے پچھلے الیکشن میں سیاسی کفن اوڑھ چکے ، پی پی پی کوسابقہ الیکشن میں عوام نے دفن کرڈالا اورجلد آمدہ ملکی انتخابات میں تین دفعہ جنگل کا بادشاہ رہنے والے بوڑھے شیر کی بڑھکیں ا ور دھاڑیں صرف گیدڑانہ چیخیں ،سسکیاں اور آہیں بن کر رہ جائیں گی اوربنی گالائی محلات کے مکیں عمرانی دعوں کی قلعی مکمل طشت ازبام ابھی سے ہو چکی ہے جبکہ کٹھ ملائیت کے پیرو کار بھی بستر لپیٹ رہے ہیں ڈاکٹر باری نے کہا کہ صرف اللہ اکبر تحریک ہی فرقہ واریت ،لسانیت اور علاقائیت کے بکھیڑوں سے ملک کونکالنے کی صلاحیت رکھتی ہے جو اقتدار میں آتے ہی غربت ، مہنگائی، بیروز گاری کا خاتمہ کرکے ملک کو جمہوری فلاحی مملکت بنا ڈالے گی۔انتخابات بلدیاتی ہوئے یاعام پسے ہوئے طبقات کے لوگ موجود بڑھک باز کرپٹ،وعدہ خلاف ، لوٹوں اور لٹیروں کے محافظ سیاستدانوں کے برج انتخابی نشان گائے پر مہریں ثبت کرکے اُلٹا ڈالیں گے۔انشاء اللہ