فاروق آباد (سٹاف رپورٹر) بجلی کے ٹرانسفارمر کی عدم فراہمی پرمحلہ چشت نگر کے رہائشی سراپا احتجاج بن گئے مظاہرین کی ایس ڈی او کے خلاف شدید نعرے بازی علاقہ مکینوں کا کہنا تھاکہ گزشتہ دو روز سے ہمارے علاقے کا ٹرانسفارمر خراب ہونے کے باعث بجلی کی فراہمی معطل ہے ماہ صیام میں سحری اور افطاری کے اوقات میں بجلی نہ ہونے کی وجہ سے عوام کوشدید مشکلات کا سامنا ہے لوگوں کا کہنا تھا کہ ایس ڈی او ٹرانسفارمر نصب کرنے کے عوض ہزاروں روپے کامطالبہ کررہا ہے جو ہم پورا کرنے سے قاصر ہیں جب سے اس کرپٹ ایس ڈی او کی تعیناتی عمل میں لائی گئی ہے تب سے علاقہ کے لوگوں کے مسائل حل نہیں ہورہے ذرائع کے مطابق کرپٹ ایس ڈی او نے اپنی مخصوص ٹیم تشکیل دے رکھی ہے جو کہ مختلف ہیلوں بہانوں سے شریف شہریوں کو پریشان کرکے بھاری رقوم وصول کرنے میں مصروف عمل ہیں ایس ڈی او شہر میں واقعہ مختلف بیکرز ،ڈیپارٹمنٹل سٹور کارخانوں سمیت پریس مشین مالکان سے محکمہ کی آڑ میں سے لاکھوں روپے رشوت وصول کربجلی چوری کروا رہا ہے جس سے واپڈا کو ماہانہ کروڑو ں کانقصان ہورہا ہے لیسکو ساوتھ سب ڈویژن میں تعیناتی سے قبل ایس ڈی او کے پاس سائیکل بھی موجود نہیں تھی موجودہ صورتحال میں موصوف عالی شان کرولا گاڑی کا مالک ہے باوثوق ذرائع کے مطابق واپڈا کے اعلیٰ آفیسر نے عرصہ دراز سے ا س کماؤ پتر کو فاروق آباد ساوتھ اور خانقاہ ڈوگراں سب ڈویژن میں بھی ایس ڈی او کا چارج دے رکھا ہے جوکہ غیر آئینی اقدام ہے جبکہ شریف شہریوں کی تذلیل کرنا اس کاوطیرہ ہے جسکی مثال چند ماہ قبل موصوف ایس ڈی او کے خلاف مقدمہ نمبر187/14بجرم 452/354تھانہ سٹی فاروق آبادمیں درج ہوچکا ہے جبکہ فاروق آباد کے صدر انجمن تاجران شیخ محمد اعظم نے کرپٹ ایس ڈی او حبیب الرحمن بلوچ کے خلاف وزیر اعظم پاکستان،چیف ایگزیکٹیو واپڈا ،ایف آئی اے ،کو دی جانے والی درخواست میں موقف اختیار کیا کہ کرپشن کے بے تاج بادشاہ کے خلاف قانونی چارہ جوئی کرکے اسے کیفر کردار تک پہنچایا جائے ۔

QR Code: