فاروق آباد (ایف یو نیوز ) فاروق آباد میں کروڑو ں روپے سے تعمیر ہونیوالا دیہی مرکز صحت لاوارث ہوچکا ہے ایمر جنسی میں مریضوں کو دوائی نہ ملنے پر مریض خوارہونے لگے شہریوں کا وزیر اعلیٰ پنجا ب میاں محمد شہباز شریف ، ڈی سی او شیخوپورہ سے اصلاح و حوال کا مطالبہ تفصیلات کے مطابق محلہ دارالسلام کے رہائشی محمد ادریس کی بیوی اچانک شام کو بیمار ہونے پر فوری ایمر جنسی دیہی مرکز صحت فاروق آباد لے گے تو لیڈی ڈاکٹر نے چک اپ کر کے دوائی پرائیویٹ میڈیکل سٹور سے خریدنے کیلئے تھما دی گئی ایمرجنسی دیہی مرکز صحت سے دوائی لینے کا مطالبہ کیا تولیڈی ڈاکٹر نے بتایا ایمرجنسی میں دوائی نہیں ملتی آپ کو دوائی بازار سے ہی خریدنی پڑے گی کروڑوں روپے سے تعمیر ہونے والے دیہی مرکز صحت فاروق آباد پرحکومت پنجاب ماہانہ چالیس لاکھ روپے خرچ کرتی ہے اور المیہ یہ ہے کہ اس ہسپتال سے عوام کو چالیس روپے کی دوائی بھی میسر نہیں اکثر اوقات ڈاکٹر اور پیرا میڈیکل سٹاف موجود نہیں ہوتا اور شام گئے ہسپتال کو تالے لگ جاتے ہیں اور ایمرجنسی کی صورت میں مریضوں کو شیخوپورہ جانا پڑتا ہے شہریوں نے وزیر اعلیٰ پنجا ب ، وزیر صحت اور ڈی سی او شیخوپورہ سے مطالبہ کیاہے کہ دیہی مرکز صحت فاروق آباد کو تحصیل ہسپتال کا درجہ دیا جائے اور ادویات فراہم کی جائیں اور تمام کرپٹ اور بدعنوان عملہ کے خلاف فوری کاروائی کرتے ہوئے ان کو تبدیل کیا جائے ۔
