فاروق آباد ( ایف یو نیوز)ڈی سی او شیخوپورہ نے غیر قانونی سبزی منڈی بند کرنے کے احکامات جاری کردئے ۔ بتایا گیا ہے کہ شہری رانا سرفراز وغیرہ نے ڈی سی او شیخوپورہ کو تحریری درخواست میں فاروق آباد میں بڑے پیمانے پر ہونے والی کرپشن کے بارے میں آگاہ کیا کہ کچھ سیاسی افراد اپنے اثرورسوخ کی بنیاد پر فاروق آباد کی سبزی اور فروٹ منڈی شہر سے باہر منتقل کرکے حکومت پنجاب کے سرکاری خزانہ کو بھاری نقصان پہنچا رہے ہیں اور شہر میں موجود سبزی اور فروٹ کے آڑھتیوں کو بھاری نقصان ہو رہا ہے جس پر ڈی سی او شیخوپورہ نے کسی قسم کا سیاسی دباؤ قبول نہ کیا اور سیاسی مخالفت کو پس پشت ڈالتے ہوئے عوامی فیصلہ دیتے ہوئے تحریری طور پر حکم جاری کر دیا۔ احکامات میں واضع حکم جاری کیا ہے کہ فاروق آباد کے باہر لاہور سرگودھا روڈ پر فروٹ اور سبزی منڈی کا قیام غیر قانونی اور بوگس ہے اسے فوری طور پر بند کیا جاتا ہے ڈی سی اوشیخوپورہ محترمہ کرن خورشید نے آرڈر نمبر
HVC/SKP/1197.08-02-2016
میں ای ڈی او ایگری کلچر،ٹی ایم اے ،شیخوپورہ ،چئیرمین مارکیٹ کمیٹی اور دیگر حکام کو غیر قانونی سبزی منڈی کی فوری بندش کاتحریری لیٹر جاری کر دیا ہے انجمن شہریاں ،انجمن آڑھتیاں اور شہریوں کی کثیر تعداد نے ڈی سی اوشیخوپورہ محترمہ کرن خورشید کے دلیرانہ اور منصفانہ اقدام پر انہیں خراج تحسین پیش کیا ہے اور کہا ہے کہ غیر قانونی سبزی منڈی کی بندش سے عوام کی فتح اور سرمایا دار جاگیرداروں کی شکست ہوئی ہے ۔

QR Code: