فاروق آباد (ایف یو نیوز)ڈی سی او شیخوپورہ محترمہ کرن خورشید کی کورس پر روانگی ضلع شیخوپورہ کے عوام انسان دوست بیوروکریٹ سے محروم ہوگے ،کرپٹ ،بد عنوان ،قبضہ مافیا ،رشوت خور عناصراور ضلع کچہری میں موجود کام چور سرکاری ملازمین کی ڈی سی او شیخوپورہ کی روانگی سے چاندی ہوگی جبکہ ضلع شیخوپورہ کی عدم تحفظ کا شکار عوام پر اداسی اور مایوسی کے گہرے بادل چھاگئے ،ڈی سی او شیخوپورہ کرن خورشید نے دوران تعیناتی بہت سے ایسے عوامی مسائل حل کیئے جو اس سے قبل کبھی زیر بحث بھی نہ آئے تھے ،ضلع کچہر ی میں موجود تمام ضلعی انتظامیہ ڈی سی او کی موجودگی تک اپنے آفس میں موجود رہتے تھے جبکہ ڈی سی او رات گئے تک عوامی مسائل کو حل کرنے کیلئے مصروف رہتی تھیں ضلع شیخوپورہ میں ترقیاتی سکیموں میں سیاسی مداخلت کو خاطر میں نہ لانے پر مخصوص سیاسی حلقے بھی کرن خورشید سے نالاں تھے ،کرن خورشید عوامی مسائل کو حل کرنے کیلئے گراس روٹ لیول سے آغاز کرتی اور دکھی عوام کو ان کی دہلیز پر انصاف کی فراہمی دیتی عام طور پر عوام میں تاثر موجود ہے کہ کرن خورشید کی عدم موجود گی سے شہر شیخوپورہ میں ہونے والے ترقیاتی کام سماجی فلاح وبہبود کے پراجیکٹ رک جائیں گے رشوت خور اور کمیشن مافیا کسی صورت جاری ترقیاتی کاموں کو سرِ نہیں چڑھنے دیں گے ضلع بھر میں موجود سرکاری محکموں میں سیاسی مداخلت بڑھ جائے گی بعض مخصوص سیاسی عناصر نے میڈیا میں یہ تاثر دیا ہے کہ ڈی سی او کو کچھ سیاستدانوں کی مخالف پر ٹرانسفر کر دیا گیا ہے جو سفید جھوٹ سے کم نہیں کیونکہ ڈی سی او شیخوپورہ کرن خورشید ،ڈی سی او حافظ آباد اور ڈی پی او شیخوپورہ ظفر سہیل چٹھہ اعلیٰ سطح صوبائی گورنمنٹ کے آرڈرپر ایک ٹریننگ کورس میں شریک ہیں اور ان کے عہدے کا ایڈیشنل چارج دیا گیا ہے اورایک سچ یہ بھی ہے کہ ڈی سی او کرن خورشید وزیر اعلیٰ پنجاب میاں شہباز شریف کے ساتھ کام کرنے والے مخصوص بیوروکریٹ میں سے ایک ہیں جن کو بہت زیادہ اعتماد حاصل ہے اور ایماندار آفیسرز کی گڈ لسٹ میں سر فہرست شامل ہیں یہی وجہ ہے کہ کرن خورشید دوران سروس کسی بھی کرپٹ اور بد عنوان سیاست دان کو خاطر میں نہ لاتے ہوئے اپنا کام بڑے دبنگ انداز میں کرتیں ہیں اور سیاستدانوں سمیت کرپٹ عناصر کو ہتھ کڑیا ں لگوا چکی ہیں ۔
