فاروق آباد (ایف یو نیوز)تھانہ صدر فاروق آباد کا علاقہ سچا سودا میں گزشتہ رات ٹھکیدار رانا لیاقت علی کے گھر تقریباً20 نقاب پوش ڈاکو گھر کی دیوار پھلانگ کر داخل ہوئے اور اہل خانہ کو گن پوائنٹ یر غمال بنا لیااور ان کے ہاتھ پاؤں باندھ دئے۔اہل خانہ کا کہنا ہے کہ ڈاکووں کے ہمراہ ایک تقریباً40سالہ شخص تھا جس نے نظر کی عینک لگارکھی تھی وہ تالے کھولنے کا ماہر تھا۔اس شخص نے تمام سیف الماریوں کے تالے کھولے اور 110تولے طلائی زیورات جن کی مالیت تقریباً50لاکھ روپے بنتی ہے 14لاکھ روپے نقدی ،چار عدد لائسنسی اسلحہ،7عددقیمتی موبائل اور ATMکارڈز بھی لے گئے۔مزاحمت پر اہل خانہ کو شدید تشدد کا نشانہ بنایا ۔ڈاکوموقع سے ہوائی فائرنگ کرتے ہوئے فرار ہوگئے فائرنگ کی آواز سے علاقہ میں شدید خوف و ہراس پھیل گیا۔تھانہ صدر پولیس نے مقدمہ درج کر کے کاروائی شروع کر دی۔
