ڈاکخانہ کی شہر سے باہر منتقلی ، پریشانی کا باعث ، واپس اندرونِ شہر منتقل کیا جائے: شہریوں کا مطالبہ تفصیل کے مطابق ڈاک خانہ فاروق آباد جو کہ کئی سالوں سے ٹیلی فون ایکسچینج کے نزدیک اندرون شہر واقع تھا۔ چند ماہ پہلے اسے شہر سے باہر نیل کی فیکٹری کے نزدیک سنسان روڈ پہ منتقل کر دیا گیا ۔ شہر سے باہر ڈاک خانہ کی منتقلی شہریوں کے لئے پریشانی کا باعث ہے۔ چونکہ ڈاک خانہ کی اپنی سرکاری عمارت نہیں ہے اس لئے بار بار کرائے کی عمارتوں سے ایک جگہ سے دوسری جگہ منتقل کیا جاتا ہے۔شہریوں کا اعلیٰ حکام سے مطالبہ ہے کہ ڈاک خانہ واپس اندرونِ شہر منتقل کیا جائے اور اسے سرکاری عمارت دی جائے۔
