میڈیا کمیونٹی کے اتحاد اور حقوق کے لیے سر گرم ملک گیر تنظیم پاکستان میڈیا فورم کے مرکزی انتخابات 25 اکتوبر کو منعقد ہو رہے ہیں جس میں سنٹرل ایگزیکٹو کمیٹی کے ممبران ، عہدیداران کا انتخاب کریں گے۔ پاکستان میڈیا فورم کے انتخابات برائے سال 2014ء کے صاف، شفاف اور کامیاب انعقاد کے لیے پی ایم ایف کراچی کے کوارڈینیٹر سینئر صحافی بی اے صدیقی، چیئر مین الیکشن کمیشن کے فرائض سرانجام دیں گے۔ ان کے مطابق مرکزی انتخابات میں حصہ لینے والے خواہش مند امیدواروں کے کاغذات نامزدگی بذریعہ ای میل بھی وصول کیے جائیں گے۔ کاغذات نامزدگی کی جانچ پڑتال کے لیے 24اکتوبر کو امیدواروں کی حتمی فہرست جاری کی جائے گی جو کہ پاکستان میڈیا فورم کی ویب سائٹ پر بھی اَپ لوڈ کی جائے گی۔
