فاروق آباد(ایف یو نیوز)پاکستان مسلم لیگ ( ن) فاروق آباد کا اہم اجلاس زیر صدارت اعجاز قادر چیمہ بلدیہ ہال فارو ق آباد میں منعقد ہوا جس میں سیکرٹری اطلاعات حاجی شہبا ز احمد گھمن ،جنرل سیکرٹری، مرزا وسیم ،غفور ،محمد ارشاد ملک،مرزا ذوالفقار ،ڈاکٹر آصف ،عصمت محمود باجوہ ،نعیم ہاشمی ،حاجی محمد جمیل ،میاں مظفر ،ڈاکٹر عبدالرؤف ،سیٹھ محمد اشفاق ،امین کمبوہ ،بلال اکبر،یاسر بلہی اور میڈیا کے نمائندوں نے شرکت کی اجلاس سے خطاب کرتے ہوئے مرزا وسیم غفور نے کہا کہ فارو ق آباد میں مسلم لیگ (ن) کا کوئی دوسرا گروپ موجود نہیں راجہ اشفاق سرور جنرل سیکرٹری مسلم لیگ پنجاب کی طرف سے جاری کردہ نوٹیفکیشن کے مطابق فاروق آباد مسلم لیگ کے صدر اعجاز قادر چیمہ ہے لیکن کچھ لوگوں نے مسلم لیگ (ن) کو فاروق آباد میں کمزور کرنے کیلئے خود ساختہ گروپ بندی کرنا شروع کردی ہے جو غیر اخلاقی اور غیر آئینی اقدام ہے جس کی ہم بھر پور مذمت کرتے ہیں کچھ لوگ مسلم لیگ کی سیاسی ساکھ کو کمزور کرنے کیلئے ناکام سازشیں کررہے ہیں مرزا وسیم غفور نے کہا کہ صدر مسلم لیگ فاروق آباد اعجاز قادر چیمہ نے مسلم لیگ اور ورکروں کیلئے گراں قدر خدمات پیش کی ہیں ہم ان کو خراج تحسین پیش کرتے ہیں اعجاز قادر چیمہ نے اجلاس سے خطاب کرتے ہوئے کہا کہ میڈیا ایسے تمام عناصر کو ہر گز کوریج نہ دیں جو فیک اور خود ساختہ شخصیت کا ڈونگ رچا کر مسلم لیگ کو کمزور کر رہے ہیں تقریب سے محمد نعیم ہاشمی ،بلال اکبر اور دیگر لیگی رہنماؤ ں نے بھی خطا ب کیا ۔
