پاکستان تحریک انصاف کے زیراہتمام جشن آزادی کے سلسلہ میں تاریخ ساز ریلی
فاروق آباد (سٹاف رپورٹر) پاکستان تحریک انصاف کے زیراہتمام جشن آزادی کے سلسلہ میں تاریخ ساز ریلی۔ریلی میں بچوں اور بزرگوں سمیت فارو ق آباد شہر اور قریبی دیہات کے ہزاروں شہریوں کی شرکت۔ تفصیلات کے مطابق پاکستان تحریک انصاف کے زیراہتمام جشن آزادی کے سلسلہ میں تاریخ ریلی نکالی گئی اس موقع پرسبز ہلالی پرچم لہراتی سینکڑوں کاریں اور موٹر سائیکلیں ریلی کے ہمراہ تھی۔ ریلی میں ڈسٹرکٹ ڈپٹی آرگنائزر چوہدری شفقت علی کجر، ممبر ڈسٹرکٹ ایگزیٹو کمیٹی سید سعید اکبر شاہ، سٹی آرگنائزر چوہدری صابر حسین بھٹی ،ڈپٹی آرگنائزر محمد احمد مقبول ،سرپرست اعلیٰ چوہدری تنویر احمد ورک ،جنرل سیکرٹری اعجاز محبوب کمبوہ ،امید واران پی پی 169رانا وحید احمد خان،چوہدری ذولقرنین ڈوگر،احمد معین سندھو اور دیگر عہدے داران سمیت فارو ق آباد شہر اور قریبی دیہات کے ہزاروں شہریوں نے شرکت کی ۔ریلی کے شرکاء لاری اڈہ سے ہو کر اپروچ روڈاور چونگی نمبر 3سے گزرتے ہوئے صابر حسین بھٹی کی رہائش گاہ پر پہنچے جہاں پرتحریک انصاف ڈسٹرکٹ شیخوپورہ اور سٹی فارو ق آباد کے رہنماؤں نے حاضرین سے خطاب کرتے ہوئے کہا کہ نیا پاکستان بنانے کیلئے عوام کو عمران خان جیسے لیڈر کی اشد ضرورت ہے تحریک انصاف اقتدار میں آکر تمام بنیادی سہولیات عوام کے دروازے پر مہیا کرے گی اور پاکستان کو قائد کا پاکستان بنائے گی۔ تقریب کے اختتام پر وطن عزیز کی سلامتی اور سر بلندی کیلئے خصوصی دُعا کی گئی۔
Leave a Reply