پائی خیل(نامہ نگار)پائی خیل اورگردونواح میں گوشت کے نرخ آسمانوں کوچھونے لگے۔تفصیلات کے مطابق پائی خیل اورگردونواح میں بڑا گوشت ،بکرے کاگوشت اورمرغی کے گوشت کی قیمتیں آسمانوں کوچھونے لگیں ۔جوغریب اورنادارخریدار کی پہنچ سے دورہیں ستم درستم یہ ہے کہ گوشت کرنیوالے قصابوں نے اُت مچارکھی ہے۔اورکھلے آسمان تلے اورگھرمیں جانوروں کوذبح کرتے ہیں یاعلاقہ میں بیماری سے متاثرہ جانورکوذبح کرکے اونے پونے نرخوں سے خریدکراورکھلے پھٹوں پررکھ کرجن پرنہ جالی ہوتی ہے جس سے مکھیاں بھنبھناتی رہتی ہیں گردوغبارگوشت پرپڑتارہتاہے ۔اورپھٹے کے چاروں اطراف آوارہ اورخارش زدہ کتوں کی یلغارہوتی ہے ۔اورادھراپنے من مانے ریٹ لگاکربڑاگوشت 280روپے کلو،مرغی کاگوشت220روپے کلواوربکرے کاگوشت 550روپے کلواوروہ بھی گاہک کامنہ تک گوشت کی کوالٹی دیکھ کرفروخت کیاجارہاہے ۔ان پرکوئی چیک اینڈبیلنس نہیں ہے محکمہ لائیوسٹاک کے افسران ،ٹی ایم اے اورپریس کنٹرول کمیٹی کے ممبران نے آنکھیں بندکررکھی ہیں۔جس سے ظالم قصابوں نے عوام کودونوں ہاتھوں سے لوٹناشروع کررکھاہے عوامی حلقوں نے ڈی سی اومیانوالی اورارباب اختیارسے فی الفوراصلاح واحوال کامطالبہ کیاہے
