پائی خیل (نامہ نگار)محکمہ تعلیم نے گورنمنٹ گرلزپرائمری سکول گلبازی خیلاں والہ پائی خیل میں طلباء کی تعداد43ہونے کے باوجود10کلومیٹردور سوانس یونین کونسل کی حدودمیں ضم کردیاجس سے بچوں کامستقبل تاریک ہونے لگا تفصیلات کے مطابق گورنمنٹ گرلزپرائمری سکول گلبازی خیلاں والہ پائی خیل میں طلباء کی تعداد43ہونے کے باوجود10کلومیٹردوردوسری یونین کونسل سوانس کے گورنمنٹ ایلمنٹری سکول میں منتقل کردیاہے جس میں طلباء کوآناجاناناممکن ہے اور بچوں کامستقبل روشن ہونے کی بجائے تاریک ہونے کاقوی خدشہ ہے ۔ادھربچوں کے والدین شدید پریشانی سے دوچارہیں ۔مزیدبرآں عدالت کی طرف سے حکم امتناعی بھی جاری ہوچکاہے ۔عوامی حلقوں ڈاکٹرمحمداخترخان گلبازی خیل ،بابرخان،ضیاء اللہ خان ،کریم نوازخان،حنیف خان ایڈوکیٹ،حبیب اللہ خان ودیگرنے وزیراعلیٰ پنجاب میاں محمدشہبازشریف ،وزیرتعلیم اورضلعی انتظامیہ سے مطالبہ کیاہے کہ گورنمنٹ گرلزپرائمری سکول گلبازی خیلانوالہ پائی خیل کواپنی جگہ پربرقراررکھ کرانصاف کے تقاضے پورے کیے جائیں ۔
