پائی خیل (نامہ نگار)گورنمنٹ بوائزہائی سکول پائی خیل میٹرک کے سالانہ امتحانات کاسنٹرمنظورکرانے پرعوامی وسماجی حلقوں نے رئیس مدرسہ محمداقبال خان کوخراج تحسین پیش کیا۔تفصیلات کے مطابق گورنمنٹ بوائزہائی سکول پائی خیل تقریباًعرصہ چالیس سال سے سالانہ میٹرک امتحانات کے سنٹرسے محروم تھاحالانکہ سنٹرمنظورہونے کے تمام کوائف ،ریلوے اسٹیشن ،پوسٹ آفس،پولیس اسٹیشن،بینک برانچ اورہائی وے موجودتھے لیکن منظوری نہیں دی جارہی تھی تاہم سال 2015میٹرک کے سالانہ امتحانات کاسنٹرگورنمنٹ بوائزہائی سکول پائی خیل منظورکرانے پر رئیس مدرسہ محمداقبال خان اوردیگرسٹاف کی کاوشوں پرعوامی وسماجی حلقوں محمدافضل خان ،حافظ رحمت اللہ خان،احمدنوازخان سرمت خیل،قاری آصف عنایت اللہ چشتی،جہان خان،غلام رسول خان ودیگرنے انہیں خراج تحسین پیش کرتے ہوئے کہاکہ اس سنٹرکی منظوری سے والدین اوربچوں کی آنے جانے کے اخراجات اوروقت کے ضیاع اورذہنی اذیت سے نجات مل گئی ہے ۔