پائی خیل (نامہ نگار)حرمت رسولﷺپرایک نہیں لاکھوں جانیں قربان گستاخانہ خاکوں سے عالم اسلام کے مسلمانوں کے جذبات مجروح ہوئے ہیں ۔تفصیلات کے مطابق معروف مذہبی راہنماؤں حافظ کریم اللہ چشتی ،قاری آصف عنایت اللہ چشتی،علامہ امیرعبداللہ خان عطاری ودیگرنے گستاخانہ خاکوں کی شدیدمذمت کرتے ہوئے کہاکہ گستاخانہ خاکے مسلم امہ کی ایمانی غیرت کوتارتارکرنے کے مترادف ہیں۔مرتب افرادکوقرارواقعی سزاملنی چاہیے ۔تاکہ آئندہ نسلیں اس سے عبرت حاصل کرسکیں۔انہوں نے کہاکہ حضورﷺکی محبت ہماراعین ایمان ہے ۔ہم کسی مومن کی شان میں گستاخی برداشت نہیں کرسکتے توجان کائنات حضرت محمدمصطفیﷺکی شان اقدس میں کیسے گستاخی برداشت کریں گے۔یہودی لابی طاغوتی قوتوں نے متحدہوکرایک مرتبہ پھرگستاخانہ خاکے شائع کرکے مسلمانوں کی غیرت ایمانی کوللکاراہے ۔اس لئے تمام مسلمان یک جان ہوکرمتحدہوجائیں۔انہوں نے حکومت وقت سے مطالبہ کرتے ہوئے کہاکہ اقوام متحدہ کے پلیٹ فارم سے اپنی آوازاٹھاکرگستاخی کرنے والوں کوعبرتناک سزادلوائیں اورگستاخانہ خاکے شائع کرنے والے ممالک کے سفارت خانوں کوبندکردیاجائے ۔
