پائی خیل (نامہ نگار)کثرت سے مویشیوں میں استعمال ہونیوالی کھل بنولہ کوآگ لگ گئی تفصیلات کے مطابق پائی خیل اورگردونواح میں بکثرت سے مویشیوں میں خوراک کے طورپراستعمال ہونیوالی کھل بنولہ مارکیٹ میں ایک دم شارٹ ہونے سے فی من 1450روپے ہوگئی فی من کے حساب سے تین سوروپے اضافہ ہوگیاہے ۔جس سے مویشی پال کسان پریشانی سے دوچارہوگئے کیونکہ مویشیوں میں اہم خوراک کے طورپرکھل بنولہ کثرت سے استعمال ہوتی ہے ۔ذخیرہ اندوزوں نے بے زبان مویشیوں کوبھی نہیں بخشااورراتوں رات اپنی چاندی کھری کرنے کے لئے ذخیرہ اندوزی کرکے مارکیٹ میں مصنوعی قلت پیداکرکے ایک دم کھل بنولہ کے نرخ بڑھادیے ہیں۔کسانوں نے ڈی سی اومیانوالی اورارباب اختیارسے فی الفورنوٹس لینے کامطالبہ کیاہے ۔
