پائی خیل (نامہ نگار)پوسٹ آفس پائی خیل کوسرکاری بلڈنگ سے پرائیویٹ بلڈنگ میں منتقل کرنے کی سازش کی تحت راہ ہموارکی جارہی ہے ۔تفصیلات کے مطابق پائی خیل شہرمیں پوسٹ آفس پائی خیل جوکہ ایک سرکاری بلڈنگ میں عرصہ درازسے قائم ہے ۔پرائیویٹ مارکیٹ مالکان کی سازبازسے پائی خیل پوسٹ آفس کومعمولی مرمت نہ کرانے اوربلڈنگ کی چھتوں سے بارشی پانی کے ٹپکنے کابہانہ بناکرتین کلومیٹرکے فاصلہ پرایک پرائیویٹ کرایہ کی بلڈنگ میں لے جانے کے لئے راہ ہمواراورشہریوں کواس سہولت سے محروم کرنے کی سازش کی جارہی ہے جس کے باعث عوام میں شدیداضطبراب کی لہردوڑگئی ہے عوامی وسماجی حلقوں کے علاوہ عزیزاللہ خان،ثناء اللہ خان،ملک عطاء محمد،ڈاکٹرغلام شبیر،ظفراللہ خان،عزیزاللہ خان ،آصف ودیگرنے وفاقی وزیرمواصلات،ڈی سی اومیانوالی اورڈویژنل سپریڈنٹ سے مطالبہ کیاہے کہ ڈاکخانہ پائی خیل کی بلڈنگ کی مرمت کی جائے اوراسی بلڈنگ میں ڈاکخانہ کے دفترکوقائم رہنے دیاجائے ۔تاکہ شہری آسانی کے ساتھ پوسٹ آفس کے متعلقہ کام کرسکیں۔جبکہ سازشی عناصرکوبے نقاب کرکے نوٹس لیاجائے ۔