پائی خیل(نامہ نگار)پائی خیل کے دوقبیلوں چنن خیل اورسرمت خیل کے درمیان دشمنی دوستی میں بدل گئی ۔تفصیلات کے مطابق تقریباًعرصہ آٹھ ماہ قبل چنن خیل قبیلہ کے سرفرازخان ولدحقنوازخان اورسرمت خیل قبیلہ کے محسن خان ولدسیف اللہ خان کے درمیان اچانک جھگڑاہوگیا۔سرمت خیل قبیلہ کے محسن خان نے چاقوکاوارکرکے سرفرازخان کوزخمی کردیاتھاجس کی بناء پرپولیس تھانہ پائی خیل نے محسن خان کے خلاف مقدمہ درج کرلیاتھااوراسے گرفتارکرکے جیل میں بھیج دیاگیااب جبکہ حاجی ضیاء اللہ خان پہلوان خیل اورملک غلام مصطفی کی کاوشوں سے آٹھ لاکھ روپے سے صلح طے قرارپائی اس تقریب میں صوبائی وزیرگل حمیدخان روکھڑی اورحاجی ضیاء اللہ خان پائی خیل ودیگرمعززین شخصیات نے شرکت کی۔دونوں فریقین کے درمیان صلح کی تقریب مسجدداؤدخان میں ہوئی ۔صلح کی تقریب سے معروف مذہبی راہنمامفتی سلطان احمدقادری نے خطاب کرتے ہوئے کہاکہ دوناراض مسلمان بھائیوں کے درمیان صلح کرانابھی حقوق العبادمیں شامل ہے ۔مسلمان کایہ کام ہے کہ جہاں کہیں بھی دوناراض مسلمان بھائیوں کودیکھے توان کے درمیان صلح کرادے کیونکہ ایک مومن دوسرے مومن کاآئینہ ہے اورمومن دوسرے مومن بھائی کابھائی ہے توبھائی کایہ کام نہیں کہ بھائیوں کوآپس میں لڑادے بلکہ بھائی کاکام بھی یہی ہے کہ دوناراض بھائیوں کوآپس میں ملادے مسلمان بھی وہ ہے جس کی زبان اورہاتھ کے ضررسے مسلمان محفوظ رہے ۔اورمومن وہ ہے جس کی طرف سے لوگوں کواپنی جانوں اورمالوں کے بارے میں کوئی ڈراورخطرہ نہ ہو۔صلح کرانابھی نماز،روزہ ،صدقہ خیرات وغیرہ کی طرح یہ بھی ایک نیکی ہے ۔انسانوں میں سب سے بہترین شخص بھی وہ ہے جودوسروں کے لئے اچھاہواور دوسروں کو فائدہ پہنچائے ۔ کیونکہ اس دنیامیں عزت اورکامیابی انہی لوگوں کونصیب ہوتی ہے جوخلق خداکی خدمت اوراس کو فائدہ پہنچاتے ہیں۔لوگوں میں اچھا بننے کابہترین طریقہ بھی یہی ہے کہ ہم مخلوق خدا کی خدمت کریں اوراس کوفائدہ پہنچائیں۔کیونکہ اسی میں ہماری دنیاوی کامیابی اورآخرت کی کامیابی کاراز پوشیدہ ہے۔آخرمیں دونوں فریقین کواخوت اوربھائی چارہ کے ساتھ رہنے کی تلقین کرکے آپس میں گلے ملوایاگیا۔

QR Code: