پائی خیل: واحدواٹرسپلائی سکیم کی پائپ لائنیں جگہ جگہ سے لیکج ، واٹر ٹینکی کی بنیادوں میں دراڑیں
پائی خیل (نامہ نگار) پائی خیل میں واحدواٹرسپلائی سکیم کی پائپ لائنیں جگہ جگہ سے لیکج ہوکرنالیوں کاگندہ پانی مکس ہوکرلوگوں کے گھروں کوسپلائی ہوتاہے جس سے نصف سے زائدشہری ہیپاٹائٹس بی اورسی کاشکارہوگئے ہیں ادھراکلوتی اوربوڑھی واٹرٹینکی کی بنیادوں میں خطرناک دراڑیں پڑچکی ہیں تیزہواکاجھانکاآنے سے جھولنے لگتی ہے آس پاس کے مکین موت کے سائے میں زندگی بسرکرنے پرمجبورہیں اورٹینکی کے اندرصفائی نہ ہونے سے گندہ موادلوگوں کے گھروں کوسپلائی ہوتاہے ۔ادھرشہرکے مین شاہرات اورگلی کوچوں میں پڑے گندگی کے ڈھیروں نے نہ صرف آمدورفت کے راستے سکڑاکررکھ دیے ہیں بلکہ موذی امراض پھیلانے کاموجب بن رہے ہیں ۔علاوہ ازیں شہرمیں سیوریج نظام نہ ہونے کے باعث لوگوں کے گھروں کاگندہ پانی گلیوں میں جمع ہوکرلوگوں کی آمدورفت میں مشکلات کاباعث بناہواہے نصف سے زائدشہرسمیت گورنمنٹ بوائز،گرلزسکولوں کوجانے والی واٹرسپلائی لائن میں پانی نہیں جاتاجس سے مکین پانی کی بوندبوندکوترس گئے ہیں ۔ادھرشہرمیں خارش زدہ آوارہ کتے ٹولیوں کی شکل میں گلی کوچوں میں پھرتے نظرآتے ہیں جس سے شہریوں کوان سے باولہ پن ہوکرکاٹنے کااندیشہ ہے ۔عوامی وسماجی حلقوں نے ضلعی انتظامیہ سے اصلاح واحوال کافی الفورمطالبہ کیاہے ۔
Leave a Reply