پائی خیل(نامہ نگار)نواحی علاقہ ٹھٹھی شریف تھل میں بھیڑبکریوں پروبائی مرض کاحملہ تفصیلات کے مطابق پائی خیل کے نواحی علاقہ ٹھٹھی شریف تھل میں بھیڑبکریوں پروبائی مرض’’انٹروٹکسیمیا‘‘(انتڑیوں کازہر)کے شدیدحملہ سے کسانوں کی قیمتی بھیڑبکریاں ہلاک ہورہی ہیں۔لیکن محکمہ لائیوسٹاک کے کام چوراہلکاروں کے کانوں میں جوں تک نہیں رینگتی ۔متاثرہ کسان احمدخان ،عطرخان اورارشدخان نے میڈیاکوبتایاکہ سالہ سال سے ہمارے مویشیوں اوربھیڑبکریوں کوبروقت وبائی امراض کے حفاظتی ٹیکے نہ لگنے سے ہمارے قیمتی مویشی ہلاک ہوجاتے ہیں جس سے ہمارالاکھوں روپے کاناقابل تلافی نقصان ہوجاتاہے ۔اخبارات کے ذریعے کئی بارمتعلقہ اہلکاروں کوآگاہ کیالیکن وہ لمبی تان کرسوئے رہے۔انہوں نے سیکرٹری لائیوسٹاک پنجاب،ڈائریکٹرجنرل لائیوسٹاک پنجاب اوردیگرحکام بالاسے اصلاح واحوال کامطالبہ کیاہے ۔
