پائی خیل(نامہ نگار)میڈیا کی خبرپرایکشن‘‘تفصیلات کے مطابق گزشتہ روزپائی خیل اورگردونواح کے عوامی مطالبہ پر’’میڈیا‘‘ میں گرانفروشوں کے خلاف سبزیات اوردیگرکھانے پینے کی اشیاء کے نرخ زائدہونے پرخبرشائع ہوئی ۔جس پرضلعی انتظامیہ نے پائی خیل اورگردونواح میں فوری ایکشن لیا اسسٹنٹ کمشنرمیانوالی میاں عبدالقادرکی خصوصی ہدایات پرتحصیلدارعطاء محمدخان نے پائی خیل ریلوے اسٹیشن اورپائی خیل شہرمیں مختلف دکانوں پرچھاپہ مارکرزائدنرخوں پرخوردونوش کی چیزیں اورگوشت بیچنے والوں کوچیک کیا۔توواقعی زائدنرخوں پرچیزیں بیچ رہے تھے ۔جہاں پرتحصیلدارعطاء محمدخان نے فوری ایکشن لیتے ہوئے محمدعابدجوبرائلرمرغی کاگوشت 215کی بجائے240روپے کے ریٹ پرفروخت کررہاتھاایف آردرج جبکہ محمدشفاء اللہ خان کودال چنا67کی بجائے80روپے کے ریٹ پرفروخت کرنے پر500روپے جرمانہ،اللہ نوازخان کوکسان گھی150کی بجائے165کے ریٹ پرفروخت کرنے پر1000روپے جرمانہ جبکہ عبدالغفورکوٹماٹر40روپے کلوکی بجائے 50روپے کلوکے ریٹ پرفروخت کرنے پر500روپے جرمانہ عائدکیا۔اس موقع پرانہوں نے سختی سے ہدایات جاری کیں کہ عوام کومقرر کردہ نرخوں پرخوردونوش کی اشیاء ،سبزیات اورگوشت فروخت کیاجائے ۔پریس کنٹرول کے مقررکردہ نرخوں پرعملدارآمدنہ کرنیوالے کے خلاف سخت قانونی کاروائی کی جائے گی۔ ضلعی انتظامیہ کے اس اقدام پرعوام نے مسرت کااظہارکرتے ہوئے ضلعی انتظامیہ سے روزانہ کی بنیادپرچیک اینڈبیلنس کے سلسلہ کوجاری وساری رکھنے کامطالبہ کیاہے۔
