پائی خیل(نامہ نگار)میڈیاکی خبرپرایکشن گورنمنٹ بوائزپرائمری سکول ڈھیڈیانوالہ پائی خیل کی چاردیواری کاکام شروع کردیاگیا۔تفصیلات کے مطابق گورنمنٹ بوائزپرائمری سکول ڈھیڈیانوالہ پائی خیل طویل عرصہ سے چاردیواری اورمین گیٹ سے محروم ہونے کی وجہ سے آوارہ مویشیوں کی مسکن گاہ بناہواتھااور سیکورٹی کے انتظامات ناقص تھے ۔جس کے باعث میڈیامیں خبرشائع ہوتے ہی اعلیٰ حکام نے ایکشن لیتے ہوئے سکول کی چاردیواری کاکام شروع کروادیا ہے ۔جس سے طالب علم ،والدین ،اساتذہ اورشہریوں نے مسرت کااظہارکرتے ہوئے ضلعی انتظامیہ اورمیڈیاکوخراج تحسین پیش کیا۔
